Janji (Martandang 9/10)

Janji  (Martandang 9/10)

Daripada mamereng bohi ni  si Saut nasai curiga, tumagon ma au mamereng bohi ni si Pinta namardalan di hambirangku. Hupangido asa au mangonjar kareta ni Ompungna i sahat tu ruang inapna. Alai dang olo Ompung i molo pintor masuk tu kamar. "Boan majolo au tu taman, Amang. Satokkin nari pe!" ninna mangelek. Hubereng tu si Pinta mangido pendapat, mangunduk ibana huhut mekkel. Huboan ma Ompung i manghaliangi taman ni rumah sakit i. Di tikki namardalan di taman i ma au makkatai dohot si Pinta. Las rohakku umbege ibana makkatai. Pandokna, lomo rohana mambege radio molo tikki au siaran. Dang taralo Abang makkatai di telepon, ninna. Mekkel-ekkel hami di taman.

Alani namangonjar kareta ni Ompung on, gabe huingot ma au tikki dakdanak mangonjar beko sampe marunggang jala magulang happa muatanna i sude tu rura. Marguling-guling ma sahat tu toru adui. "Inangoi... inong...!" ninna happa i sian rura. Eh, boasa boi happa marinagoi, ninna rohakku ma. Hape, si Mawan do sada namagulang tu rura.

"Dang gomos attong ditiop ho beko i," nikku manalahon si Mawan asa unang sampe tangis ibana.

"Hurang gomos boha dope? Gari happa nga ditali jala nga huhunduli, tong marrugean dibaen ho?" ninna huhut paganjang muncungna.

"Nakencangan attong dibaen ho!" ninna huhut dipaias ibana dugul-dugulna. Hupaias muse ma akka bulung-bulung nalokkot di karitingna i alai dijua ibana do. Mardandi ibana. Naeng hutarikkon do nian kariting mosokna i. Alai nga asi hian rohakku mamereng pargulangna nakkin. Memang songon happa i nama nakkin huida pardanggurni ibana sian beko i margulang-gulang tu rura. Hape si Mawan i do nakkin mangido asa hutancap mangonjar beko i.  Heheh...

"Boasa mekkel, Abang? Adong na geok?" ninna si Pinta huhut mamereng jam tanganna. Dung dibaen si Pinta isyarat, huonjar ma Ompung i tu ruang inapna. Di ruang inap i, nga jongjong sahalak ina-ina namokmok. Nantulang, omak ni si Pinta. Sai dibereng Nantulang i tu obukhu naganjang. Sinis...

Dung huangkat hami Ompung i tu podomanna, marsitandaan ma hami dohot Nantulang i. Sai diurupi si Pinta ma au patandahon dirikku.

"Boru aha ma namanubuhon hamuna?"

"Boru Manalu, Nantulang!"

"Boru Manalu? Inang simatuakkon pe boru Manalu do. Maruda do ho tu bapa ni si Pinta. Berarti...?"

"Marpariban do au tu si Pinta!" hatop hian attong hualusi.

"Daong, bah? Mariboto do hamuna. Tu inang simatuakku do hamu marpariban!" ninna Nantulang i gomos.

Mandok sipiga do Nantulang on? Hira nanaeng patoho-toho onna iba tu namatua on hape adong dope naposo? Daong, ikkon paula so huboto maksudna asa unang hujonoki si Pinta. Ikkon hualusi torus, ninna rohakku. Dang parcuma iba nagartip makkatai di radio. Molo porlu, marsijanggolaan pe aloon do ina-ina. Wakakakak

"Lima sundut marturut ma hami dipompar boru Pardede, Nantulang! Ompungku ma terakhir namarboru Pardede. Torop do paniaran nami boru Sonak Malela. Haru bapakku pe dialap do boru Napitupulu!" nikku.

"Hah? Nakkin didok ho boru Manalu? Dia do natoho?"

"Toho do duassa, Nantulang. Namanubuhon au do Boru Manalu. Molo istri ni Bapa saonari boru Napitupulu do!" nikku huhut pamanat bohi ni Nantulang. Hm, lam busisaon ma Nantulang huida dung hupaboa nasongoni keluargakku. Huida digoit Nantulang i si Pinta.

"Ido, Omak. Toho do nidok ni Abang on. Molo pas siaran tonga borngin pe sai dihatahon ibana do i," ninna si Pinta. Tuani ma didok si Pinta songoni, ninna rohakku.

"Maksudmu?" ninna Nantulang. Diangkat salibonna gabe hira garis na digoreshon.

"Ido, Nantulang. Ala naung huboto ma dangol ni keluarga namarsirang asa ikkon manat au mangalului anakborunalao donganhu sahat tu na saur matua!"

Marhosa ganjang Nantulang i dung hudok hatangku. Nga minar huida pamerengna tu au. Lam godang ma disukkuni Nantulang i taringot au. Semester piga, jurusan aha, piga sekeluarga, kost didia, sadia dikirim balanjo, aha cita-cita, hobby, bakat dohot naasing dope. Sai mekkel-ekkel muse dope Nantulang i ala hupaboa partinandaanku parjolo sahali, di bis Sampri, dohot si Pinta boru sasada na i. Godang dope nahuhatai hami maradu tarlalap hape nga borngin.

Kaluar sian kamar, leleng dope hami makkatai dohot Nantulang di pintu. Gomos do hatana mandok asa huajar-ajari si Pinta. Pos rohakku halak naburju do ho, ninna Nantulang i.

"Pahatop i, Bang!" ninna si Pinta naung paimahon di jolo.
 Gomos au dohot Nantulang marsijalangan. Lobi sian gomos ni jalang-jalang nami i ma hami masiberengan, marjanji di bagas roha.

Marikkat ma au mandapothon si Pinta naung tarpaima lao mulak tu jabu. Nantulang i do manjaga Ompung borngin on paima mulak sogot tu jabu ala naung diloas dokter.
 Hubuat rantang kosong na di tanganna asa au mamboan. Dung hutaruhon annon tu jabuna, naeng ro dope au tu rumah sakit on asa rap mulak hami tu huta dohot si Saut.

"Beta tapaboa jolo tu si Saut asa dipaima au annon mulak tu huta!" nikku manogihon si Pinta tu kamar ni si Piter dirawat. Dihapithon si Pinta tanganhu hambirang. Sahat do tu pintu kamar ni si Piter au digandeng. Nga hundul si Piter. Mangan ibana disulangi Omakna. Jonok di lambung na i, hundul si Tiar. Dipaboa si Marudut, anggi ni si Saut tu si Paulina. Dipaboa si Paulina ma muse tu si Tiar. Ido asa ro ibana. Sai didampoli si Tiar pat ni si Piter. Hubereng sai dipanotnoti si Tiar bohi ni si Piter. Hira namarjanji do anggo pamerengna i.

"Hundul ho, ito Pian. Suru halletmi nabagak i hundul!" ninna Omak ni si Piter. Dipalua si Pinta ma tanganna na sian nakkin manggandeng au. Marmera huida bohina. (Bersambung)

Piter Oh Piter (Martandang 8/10)

Molo Rokkap (Martandang 8/10)

Tancap gas ma hami mulak sian partandangan. Ndang mulak tu huta hami alai manigor tu ladang ni si Saut do mamereng durian na madabu. Holan sahat hami di sopo, pittor sigaret ni si Marudut do diroro hami. Ibana do torus manjaga durian di ladang on. Di sopo on muse ma ibana mangaloppa. Diukkap si Saut ma hudon. Adong dope indahan. Dibereng musema kardus, adong dope mie instan. Nga mantap be on, mulak martandang memang sai male-male do iba. Hubola hami muse do durian akkup ni indahan. Sodap do sude molo nga di ladang tahe. Butong.

Alani butongna ma deba umbahen na pittor galdap hami modom. Nga ginjang ari asa dungo hami. Ditinggalhon si Marudut hami nadua di sopo i laho mamboan durian tu huta. Kopi nami pe nga ngali be.

Naeng saburma kopi na huinum ala toppu ro gasa-gasaon si Marudut marsepeda moto. Hira na diambolongkon nama sepeda motor ni si Saut i di durame ni eme i.

"Pahatop hamuna mulak!" ninna si Marudut marsurak.

"Manikkot si Piter!" ninna muse huhut hosa-hosa marikkat mandapothon hami tu sopo.

"Si Piter??" rappak hami nadua mandok. Longang, masiberengan ma hami.

Rap marikkat ma hami tu sepeda motor naeng pangolu sepeda motor. Pola do marsitomboman ulu nami alani humalaput nami. Ujungna mengalahma au, husuru ma si Piter mamboan sepeda motor i. Habang ma hami lari saribu sian tonga-tonga ni ladang i mamotong dalan. Hira na hornop nama panghilalan nami di akka bogas panabian ni eme i. Sipata naeng danggur do hami. Eh... saut do hape danggur. Tuani do tu durame na purguk i. Suruk do ulu ni si Saut.
Dipajongjong hami ma muse sepeda motor on. Dang lari saribu be hami. Boha baenon lari saribu? Mangonjar nama. Mangonjar sepeda motor nahabis bensin.


Dung sahat hami di huta, huida hami ma nga torop jolma di jolo jabu ni halak si Piter. Hubege hami omakna sai mangandungi. Natoropan jolma di pintu ni jabu i maradu maol hami masuk tu jabu lao maereng si Piter. Di pintu dope hami alai nga disuru hami kaluar. Naeng diboan si Piter tu luar.

"Nga ro be motor ni si Jumaliang, ta pahatop ma!" ninna sahalak ama-ama. Heppot ma nasa jolma na adong di si lao mangurupi manang aha naporlu siurupan. Hubereng hami ma si Piter dipamasuk tu motor i. Pingsan dope ibana. Diboan bapana musema botol putas na niinum ni si Piter i asa diboto dokter Puskesmas laho mambaen pertolongan medis. Sude isi ni huta manaringoti si Piter namanginum putas.

"Ai mangolu dope hape? Hurippu nakkin nga mate?" ninna si Saut. Hudoltukkon muse ma uluna. Alai dang hona ala mangelak ibana.

"Toe, hamuna naposo i, ihuthon hamu ma tu Puskesmas atik boha porlu pangurupion muna!" ninna sahalak natua-tua ni huta.

Pittor marikkat muse si Saut mandapothon sepeda motorna. Sai diengkol ibana ma sepeda motorna on alai ndang marnamangolu. Dia ma boi mangolu? So na diisi dope bensinna. Ibana do mangonjar-onjar mulai sian ladang sahat tu huta, alai ndang diingot ibana be i. Molo manurut pandapothu, tumagon hian dope si Saut on namanginum putas i daba. Asa moru akka na oto sian portibi on. Alai molo mate ibana, gabe moru muse ma annon bilangan ni naburju. Attong, tapasombu ma ibana mangolu, ate?

Mangolu ma sepeda motorna dung diisi bensinna. Alai ndang dohot be ibana manaruhon tu Puskesmas ala naung adong tolu halak doli-doli namangihuthon motor i. Meret ma hami tu lapo.

"Molo manurut ho, adong do hubungan ni kejadian on tu si Tiar?" ninna si Saut manukkun au.

"Olo do!" nikku mangalusi ibana huhut martukkol osang.

Hohom si Saut. Ditatap ibana tu dolok adui, tu huta Lau Pakpak, huta ni si Paulina. Au pe gabe huingot musema bidadarikku si Lasma. Torop do anakboru nauli donganku di Medan, alai on dope huhilala namambaen au masihol. Ondope anakboru namambaen boi au mangalupahon si Diah, si Nelly, si Lince, si Mawar, si Priskila dohot ise dope tahe?

Ciittt...!!! Direm si Luhut, anggi ni si Piter, ma sepeda motorna di jolo ni lapo na di jolo jabuna i. Sude pangisi ni lapo manukkun si Luhut manang naung boha si Piter.

Parah do haroa asa pola ikkon diboan dongan nami i tu Sidikalang marubat. Dung dipapungu si Luhut pahean dohot na porlu boanonna, borhat ma ibana muse tu Puskesmas Tigalingga laho dohot mamboan si Piter tu Sidikalang.

Dung borhat si Luhut, tubu ma tu pikkiranku asa dohot manaruhon si Piter. Hutogihon ma si Saut. Habang ma hami lari saribu. Dang adong be nasida di Puskesmas. Pandok ni piket i, nga borhat tu Sidikalang anggo pasien si Piter. Hami pe attong menyusul ma menuju Sidikalang.

Tung nahatop ma motor i mamboan nasida, laos so pajuppangnami nasida di dalan. Hape nga lari saribu hami. Sahat ma hami tu rumah sakit Sidikalang. Husukkun hami ma panjagana. Dang adong dope pasien namargoar songoni, ninna panjaga i. Maila huhilala. Ala ni ilakku, nga naeng husuru si Saut minum putas asa adong sidalianku masuk tu rumah sakit i.

Tep, huida hami ma nga ro nasida. Didorong ma si Piter masuk tu rumah sakit. Dang sadar dope ibana. Asa hami pe parjolo sahat tu rumah sakkit, na jolo mangisi bensin do hape nakkin motor nasida i.

Nga botari asa sadar si Piter. Molo pandok ni si Luhut, na dibaen-baen do i deba, ninna. Na adong do sipangidoanna tu natua-tua i, alai ndang dilehon. Mangido sepeda motor ibana, ninna muse. Songon na hosom do soara ni anggi na i.

"Hurippu alani si Tiar," ninna si Saut onjom. Alai dang pola be hutanggapi ala nga mondok-ondok au. Hupatoltolma pathu hundul di taman ni rumah sakit i. Hupapitpit matakku satokkin. Tarhilala  iba mangulon nanggo apala satonga jom.

"Oi, Pian. Dungo ho, adong anakboru nabagakan!" ditarik si Saut pinggolhu. Hassit hian. Alai dang alani hansit na i asa pittor bollang au. Alani anakboru nidok na i do.

Adong sahalak anakboru manogu-nogu sahalak namatua mamolus di jolokku.  Sai hupulos ma matangku ala dang porsea au di pamerenghu.

"Pinta!" nikku majouhon goar ni anakboru i.

"Bang Pian!" ninna lam hatop mangonjar kareta tu lambunghu. Ketawa-ketiwi ma ibana maukkun kabarhu. Las hian rohana paboahon tu oppungna na donganna au. Hupaunduk ma bohikku asa takkas au mangida bohi ni oppung i.

"Penyiar radio do Abang on di Medan, Oppung!" ninna manambai.

"Nion si Saut donganku, marsitandaan jolo hamuna!" nikku huhut manopak tanggurung ni si Saut.

"Saut!"

"Pinta. Pinta Pardede!"

Sai tarhatotong dope bohi ni Saut marnida uli ni si Pinta. Olo do ra haidaan mabaor kopi molo diinum itoan i ate, ninna si Saut alani bontar ni si Pinta diida ibana. Sai dibereng ibana ma tu boi ni si Pinta marganti soli tu bohikku. Tong hira na curiga ibana mamereng au. (Bersambung)

Alusi Au Lasma (Martandang 7/10)

Alusi Au Lasma (Martandang 7/10)

Lam bagas borngin, lam ngali ma nang pangullus ni alogo. Pola humitir osang niba jala makkutur dugul-dugul niba ala ni ngalina. Holan onom halak nama hami di emper ni jabu on. Si Saut nga margulasai di suhi-suhi adui. Si Tiar dohot sidoli pangganti ni si Piter kalam-kalam dope di toru ni kembang sepatu. Au mangunsande tu tiang ni emper alai huhut mamuhung alani ngalina. Hupadomu ma osangku tu dugul-dugulhu. Nga hira tanggiling au huhilala ala ni ngalina. Manorus nang tanganku. Apalagi ma pinggolhu, soinama ngalina, nga hira es. Brrrrr....

"Ngali hian ari on ate, Bang?"
"Imadah, hape nga marjakket iba, tong manorus," nikku mangalusi.

Hinsat ibana sian hundulanna lao masuk tu jabu.

Marjakket ibana kaluar sian jabu. Diboan ma mandar na rara jala dilean tu au. "Pakke mandarhon asa unang ngalian ho!" ninna. Jala ibana do manurukhon mandar i sian simajujunghu tu pamatangku. Lasma huhilala, songon goarna i.

"Sapala, pinda ma hita nadua tu jabu, beta," ditogihon au. Au pe hinsat mangihuthon bidadari nalagu i. Naeng hundul au di kursi alai disarathon ma tanganhu asa dohot au tu dapur. "Dongani ma au mangaloppa aek las, asa  hubaen kopi di hita" ninna.

Masisulu ma hami nadua di tataring pangalompaan i. Hupajonok telapak ni tanganku tu api na mohop i. Molo dung mohop, hubaen ma telapak ni tanganhu tu pinggolhu dohot tu bohikku. Marjillam-jillam api i sipata dais tu telapak tanganhu alani gorgorna. Alai dang sadia gorgor ni api i molo hupatudos tu gorgor ni rohakku marnida si Lasma. Burju na i, lagu na i nang lambok ni hata na i ma namambaen au hira na disihir. Malo muse marende nang margitar.

"Boha do alusmu tu hatakku nakkin, Las?" nikku manatap matana. Tio hian pamerengna maradu haidaan jillam-jillam ni api i di matana.

Sip ibana.

Husurdukhon muse soban tu gara ni api i huhut paima alusna. Tong dang dialusi alai huida ibana manarik hosa ganjang. Ditailihon tu au. Mansai nanget ibana manaili tu au. Diharat ibana sisilonna. Au sai tarpaima di soarana. Dungi habegean ma soara ni aek las naung gurgur, hinsatma ibana sian hundulanna mambuat kopi dohot gula. Diparade ibana ma kopi nalao inumon nami. Meret ma au sian dapur tu kursi di ruang tamu. Hundul sasada au di si pima ro ibana sian emper manaruhon kopi ni dongan nami.

"Tabo hian do hubege endemi, Bang. Muba do tabo ni ende molo niendehon sian nasa roha niba, ate?" ninna nanget hian di pinggolhu. Solhot hian ibana hundul di hambiranghu. Aturanna, lam las ma nian panghilalaanku. Boasa ngali huhilala hata ni si Lasma on. Hubereng ibana unduk. Hupasisi obukna asa tangkas huida bohina. Mangunsande ibana di kursi i jala marhosa ganjang. Tung borat hian do haroa dihilala mangalusi hatakku na di ende i.

"Huboto do dang taralusanmu dope hatakki, Las," nikku huhut maniop telapak tanganna. Dipasombu hutiop tanganna. "Adong dope ari sogot manang haduan. Molo tung pe songon natarhipu-hipu au mandok hatakku jala mangido alusmu, ala holong ni rohakku do i, Las. Unang pola pikkiri be i, pos do rohakku nalao alusanmu au sogot manang haduan."

Mangunsande ma ibana tu abarakku. Hutiop dope tanganna. Eh, ibana nama hape maniop tanganhu.

"Sadari dope au marsitandaan dohot Abang, alai panghilalanku nga hira na sataon hita mardongan."

"Unang hansit roham da, Bang? Nangpe so pittor hualusi hatami, da?" ninna manambai hatana alai sai huhutma ditiop tangan hambiranghu. Gomos ditiop.

"Unang sip ho, Bang. Mabiar au molo sip ho," digalmit hurumhu.


"Beta di luar ma hita makkatai!" nikku hinsat sian hundulanku. Ditarik tanganku asa sai hundul au.

"Namuruk do ho kan, Bang?" gogo ditarik ibana tanganku laos pellet muse ma au hundul.

"Daong. Ai na bohi parmuruk do diida ho bohikku?" mekkel suping au alai dang sian rohakku.

"Pahundul majolo di lambungkon, Abang ganteng," ninna. "Makkatai jo ho, Bang. Nalomoan rohakku mamereng ho makkatai. Siuk Abangku namalo margitar, namalo marende, namalo makkatai, namalo di sude ma tahe. Siuk?" ninna huhut maniop hurumhu. On dope husadari na di hurumhu do hape kelemahanku. Mekkel ma au sian rohakku. Tutu do sian rohakku namekkel i. Namalo pe au, alai ummalo do ho mambuat rohakku, nikku di bagasan.

Dipangido ibana ma asa huceritahon akka sibaen namekkel. Huceritahon ma dongan nami si Urdot, molo goar sasintongna si Radot do, na gabe hurang roha alani namarhallet di Bandung tikki kuliah. MAte toppu halletna di abinganna topet marsiummaan nasida. Pandok barita, alani bau ni hosa ni si Urdot ma asa mate hallet na i. Huceritahon musema na hea sahuta dioto-otoi ibana taringot makkail. Dirippu parhutanami toho dibaen ibana permen karet oppan ni hail hape dang i dibaen ibana. Maoto do sude jolma dibaen ibana alai sai didok jolma i ma ibana naoto.

"Haha... diboto ho do manang aha nadihusippon na i tu au?"

"Aha ma i?" nikku huhut mangupir.

"Didok ibana ma nacemburu ho tu ibana. Dungi didok ibanama nasarupa bagakhu tu halletna hian,"

"Holan i do?" nikku.

"Didok ibana do goarmu si Gap..."

"Ssssttt... Tokka!" Toppu ma husoppol baba ni si Lasma dohot tanganhu unang ditorushon hatana i.

"Unang tangihon hata ni na hurang beres. Patutma sai mekkel ho nakkin marhusipi dohot ibana. Akka aha ma deba di hatai hamuna dagan so di si au? Nga gok ra dihatai hamu sahat tu si Barbar Losung, ate?"

"Hupfhh..hufphhh...Hum" ninna. Ageh, lasso hupalua dope hape tanganku. Nga maradu maol ibana marhosa. Bondil hian nama mata ni si Lasma ala nasai husoppol i babana i. Pola do gabe masuk si Paulina dohot si Saut tu jabu laho mamereng manang aha na terjadi di jabu.

"Hurippu..." ninna si Saut. Curiga hian pamerengna tu au. Hira namanguhumi.

"Pamereng mi, Saut! Unang baen pangalahom manimbangi manang manguhumi donganmu. Dang songon na di bagas pikkiranmi diulahon hami di son. Ido kan, Las?" Mangunduk-unduk si Lasma paboa na toho hatakki. Mekkel-ekkel ma nasida nadua dung dipatorang si Lasma kejadian sasintongna. Alai jujur ma, nga sanga au langan mamereng bondil ni mata na i daba. Sotung gabe pingsan do muse songon na di lapangan volley i, ninna rohakku.

Hubuat sigarethu sian meja. Tinggal sabatang nai nama di bagasan bukkusna. Hupagalak jala hualsip. Bukkusna i huropukkon jala ima hubaen mandanggur si Saut, asa dipahatop sidung namargulasai i. Attan hamuna namarsiturbingan i bo, adong dope ari sogot, nikku hehe sian hundulanku. Dang sala au mandok nasida sai margulasai. Ai sipata do attuk ulu ni si Saut tu dinding i. Habegean do sian jabu mallutuk-lutuk  uluna tu dinding papan i. Tikki kaluar sian jabu pe hami dohot si Lasma, humalaput do nasida rap mandao. Dirippu nasida dang tarbereng nami. Sanga do tarbereng nami nasida rempet.

"Mulak ma hami da, Las?" nikku huhut mangengkol sepeda motor ni si Saut on ala au disuru mambonceng ibana. Naung lemas hian ma ra ibana diporos si paulina nakkin, ninna rohakku.

"Eits... hampir lupa, mandarmu hape, Las!" Hubukka mandar i alai ditiop ibana ma tanganhu  mangorai asa unang pola bukkaonku mandar i sian rukkunghu.

"Boan ma. Baen di rukkungmi asa unang masuk angin ho, Bang," ninna.

Huida si Paulina hira napaborhatton si Saut tu parporangan. Sai hira nalao so pajuppang be marsogot. Ollobolloh...., ninna rohakku. Huengkol muse sepeda motor on, lalap dang mangolu. Gabe perkakas na asing do mangolu pabereng-bereng jolma on. Wakakakakakkakakakak

"Hush, Parekkelmi, Bang. Nga bagas borngin, tokkin nai tahuak manuk nama," ninna si Lasma manjonoki au. Dipajonok bohina lao mangumma hurumhu. Eh eh.. dang nalao mangumma hape. Holan namarhusip do asa ro muse au marsogot. (Bersambung)

Ho Do Tinonggor Ni Mata (Martandang 6/10)

Ho Do Tinonggor Ni Mata (Martandang 6/10)

Nga jam ualu, sai hundul dope au di alaman. Bulan tung tiur, bintang pe rarat di langit. Mangunsande ma au tu bona ni pinasa huhut mangabing gitar. Angon-angon huendehon sada ende ni Eddy Silitonga. Mama, ima judul ni ende i.

mama...
kembalilah padaku
hanyalah dirimu
harapanku, oh mama

mama...
kembalilah padaku
hanyalah dirimu
pelita hidupku

mama, oh mama...
apalah artinya
hidup tanpa
kasih sayang

mama, oh mama...
betapa nistanya
hidup tanpa
mama....

Tung marabur situtu do ilu sian simalolongku. Ndang alani siholhu tu inong namanubuhon au, alai ala ni siholhu tu si Mawan do. Sai huingot pamerengna tikki lungun panghilalanku manang tikki marsak au uju i. Malum jala tarapul ma rohakku dung huida manetek iluna. Rap dohot iluna na manetek i ma mabaor nasa lungun nang arsak ni rohakku.

Martukkol isang ma au manukkolhon gitar di abinganku. Sasahali, hasosonggoton dope au. Huida ma halilungku ala torang ni bulan na hupudihon. Huida ma tu bulan i. "Tongtong ma ingot au, Mawan" nikku marhusip tu bulan. Maraek musema matakku alani ilu alai ndang sahat manetek. Hinsat ma au naeng masuk tu jabu mamboan si Mawan di pikkiran sahat tu podomanku.

Tiiinnnn...tiiiiiinnn...! Tarsonggot au ala maradian sepeda motor ni si Saut di lambungku. Pola do tarsenggolsa gitarhu dibaen.

"Pahatop i, Bo. Na disuru ni si Lasma do au mangalap ho!"
"Ageh? Natoho do hape nidok na i?"
"Ido, toho do. Dang olo ninna ibana modom molo so ro ho!"

Di tonga dalan, disukkun si Saut ma au, "Dorma aha do dibaen ho tu si Lasma i?" ninna. Hudoltukkon ma uluna sian pudi. "Lean jo saotik dorma mi tu si Piter asa mulak roha ni si Tiar i tu ibana," ninna muse. Bah, ai natoho do hape dirippu nasida namardorma au, ninna rohakku.
"Ala ni aha do nasida putus?" nikku manukkun soal hubungan ni si Piter dohot si Tiar halletna.
"Tongma alani mokkus ni si Piter. Nga sai mandao pe halletna i sai dicocor muccungna!"
"Dicocor boha do?"
"Sai naeng diummai si Tiar"
"Dok do apala diumma?" nikku muse.
"Ai naso dibereng ho do kumis ni si Piter songon kawat?" ninna huhut mekkel.
"Geok-geok ma ra dihilala si Tiar, ate? nikku.
"Dang alani i. Gasa-gasaon si Piter naeng mangumma. Kebetulan tukkolon si Tiar nadicocor na i. Haccit ma dihilala ala hona muccung ni si Piter. Las dipastap ma tutu si Piter. Ima mulana, lam bagas ma dung leleng. Marsipanas-panasan ma nasida. Nabodari ma ujungna."

Dang terasa, nga sahat hami di Lau Pakpak. Huida mekkel si Jimmy di teras ni jabuna. Disuru hami masuk alai dang adong huida si Lasma. Dang masuk hami tu jabu alai hundul ma hami di teras i. Marisap.

"Holan lae nama nasai dihatai hami doli-doli ni parhuta on alani kejadian na di lapangan volley i, lae!" ninna si Jimmy huhut pagalak sigaretna. Diultong dungi dipakaluar hatop ala naeng tambaanna dope hatana i.

"Atlet karate muse do hape lae, ate? Ai si Bontor Sihombing parhuta nami on pe hape, murid muna do ninna ibana di Medan. Salut do iba mamereng hamuna bah, lae!" Diultong si Jimmy muse sigaretna i alai dang pola hualusi hatana i. Holan mekkel suping do au. Ekkelhi ma mangalusi ibana.

"Nadisihir hamuna do asa mabiar Nande Kapah i?" ninna huhut mekkel. Tong ma ekkelhu mangalusi. Hupasombu ma si Piter mangalusi paula so hubege. Memang dang hubege be tahe. Ala sai lulu-lulu rohakku, didia si Lasma.

Tep, huida ma si Paulina, hallet ni si Saut marlojong tu masuk tu jabu ni si Lasma inganan nami hundul. Humalaput ibana. Dijou ibana si Saut tu jabu. Marhusip nasida satokkin dungi kaluar muse ma nasida nadua. Si Paulina mulak tu jabuna alai si Saut ro manjonoki au. Dihusippon si Saut ma tu au, "Dapotton ibana tu jabu ni si Paulina, nga holan natangis ibana!" ninna nanget hian.

Hundul si Lasma di kursi rotan di jabu ni si Paulina. Unduk ibana. Hubaranihon ma maniop osangna nanget lao mamereng bohina. Hubereng ma matana naung marbosar ala nasai tangis. Huultong hosakku ganjang jala hupakaluar nanget. Hupahundul ma di lambungna. Jonok hian. Gale huhilala marnida matana namarbosar i. Unang ma nian ala ni sitaononku manang ala ni arsakhu gabe marsak dohot dongan, ninna rohakku. Ah, tahe... dang tarbaen mannutupi hinadangol ala ponjot ni roha. Hurang malo au manutupi hinadangolhu. Somalna, asa unang habotoan nasai dangol panghilalaanku, sai marhata gait ma au.

"Hut ni i, tahan do naeng kursi rotan on manea hita nadua, Las?" nikku mulai margait. "Sotung marunggang annon hita nadua gabe marsidondonan, hape adong muse namangittip dirippu hita namarulaon nahohom gabe dipasaut happung hita!" nikku huhut mekkel. Ibana pe mekkel ma. Digotil muse ma au.

Nga hampir sajom hami namakkatai i di jabu ni si Paulina. Bohi ni si Lasma pe nungnga minar be. Ditogihon ibana ma au muse mulak tu jabuna ala nga ro si Tiar mangalapi hami. Ai modom di jabu ni si Lasma do si Paulina. Marpungu muse ma hami di emper ni jabu i. Torop naposo disi ala baru mulak nasida sian gareja latihan drama Natal. Huida muse ma si Tiar digandeng baoa naasing. Berarti nga pasti be hape dipecat si Piter, ninna rohakku.

Margitar ma si Paulina di emper i dao sian hami. Naeng diihuthon si Saut marende si Paulina alai sundat ala dibereng au. Memang, pittor gatal do pinggolhu molo hubege soara ni si Saut on. Naeng muta uta au. Holan gitar ima dipaattuk-attuk si Saut. Ipe dang pas ketukanna. Tung alani ahama asa sappe lomo roha ni si Paulina tu baoa sisongon on, ninna rohakku.

"Lean majo dipiltik katua on, gitar i!" ninna si Saut ma mandok si Paulina. Ide bagus, onma nasai hupaima, ninna rohakku. Sipanggaron ma au. Ikkon hapatudu majolo tu hamu ise do sibaoadi, ninna rohakku attong. Si Saut pe gabe dipadenggan ma parhundulna. Ai ibana pe sai dietong do au dewa gitar. Mungkin ala naso binotona i ma ra margitar ate?

Sambil mamutar-mutar kupingan ni gitar, husukkun ma si lasma manang aha endehononku. Alai gabe baba ni si Saut do mangalusi.

"Ende ni Eddy Silitonga i ma baen, sarupa hian hubege soaram tu si!" ninna si Saut huhut mamiltikkon indung ni jari-jarina. Dipagalak sigaretna jala huida mangunsande ibana tu si Paulina. Hira na gabe ibana nasipanggaron daba. Hupiltik ma gitarhu jala marende ma au.

ho do tinonggor ni mata,
ho do tinodo ni roha,
sadari pe so huida,
mansai lungun do huhilala.....

di naso panagamanku,
borhat ho lao tu bariba
mansai lungun huhilala,
ai ho do nahuparsinta.....

molo huingot naung salpu,
tikki au rap di lambungmu,
dang tardok au manang aha
alani holong ni roha....

Dung sae huendehon ende i, huhusiphon ma tu pinggol ni si Lasma, "Ende i ma hatakku tu ho, Las!" Huhilala ma dihaol ibana gottingku jala di sandehon uluna tu au. Las hian rohakku. Naeng marsurak au alai huida ma humaliang.Nga lam torop be jolma manghaliangi hami. Adong muse do ina-ina na gabe kaluar sian jabuna be alani ende i. Marmandar-mandar nasida. Ngali do nian pangullus ni alogo on, alai pos rohakku, ikkon sai las huhilala ala adong si Lasma. (Bersambung)

Tangis di Sihabunian (Martandang 5/10)

Dang holan bola volley i, podang na i pe ditinggalhon Nande Kapah do pattik di tano inganna hundul nakkin. Hubutbut ma podang i laos marikkati ma Nande Kapah. Dao hian ibana marikkati. Hutailihon ma tu pudi, nga diabing doli-doli donganna sahuta be tu lapangan. Dihaliangi natorop ibana. Huida ma mansai langan ibana. Manorus patna nang rukkungna pe. Marsalon bibirna. Huida ro ilu ni si Jimmy alani biarna atik boha si Lasma. Hutiop ma abara ni si Jimmy ibotona i, mandok asa marpos ni roha. Husuru ma si Saut manippan podang ni Nande Kapah tu lapo ni si Reken jonok ni lapangan i.

Dung hulean minum, sadar ma si Lasma di abinganku. Sai didappoli si Jimmy dope patna. Hissat ma ibana songon namaila-ila. Dang sadia leleng, normal ma suasana di lapangan. Alai sai di lapo ni si Reken i ma si Lasma hundul. Tontu, au pe attong di si ma mandongani ibana. Mauliate ma di Nande Kapah. Uhhuy..... Anggo au pe daaaahhhhh maradu so hutonton be namarvolley i. Tarhona dope naasing berengon molo adong bintang film di jolo niba?

Sidung partandingan, ndang marnamulak be dope akka natorop na di lapangan i. Nang pe nga bot ari, sai marpungu dope akka naposo na adong di si. Huida anakboru parhutanami manghaliangi si Jimmy dohot donganna. Ganteng do si Jimmy on jala burju. Alani kejadian nakkin, gabe diboto anakboru i do naholong rohana tu ibotona si Lasma. Parholong do si Jimmy on, ninna roha nasida. Ima na hubege dipandok nasida, gabe torop anakboru i namarlomo ni roha tu ibana. Ia tu iba so adong naolo halakon, ninna rohakku do nian. Las do rohakku mamereng anakboru parhutanami na super agressif i.

Bah? Si Lasma pe hape nga sai dihaliangi doli-doli parhutanami. Hupadao majo sian lambungna on. Mulak majolo au tu jabu nami asa husippan podang ni Nande Kapah on, ninna rohakku.

Duapulu menit nasida hutinggalhon di lapo i, sai dihaliangi doli-doli i dope si Lasma. Huida ibana marsijalangan dohot si Urdot, sibau hosa i. Pandok ni barita, mate toppu hian do hallet ni si Urdot on tikki marsiummaan nasida. Ima namabaen ibana stress, maradi ma ibana kuliah gabe mulak tu huta.

Ageamang jo si Urdot on? Las barani ibana marhusip tu si Lasma di jolo ni natorop ate? Nga gurgur huhilala mamereng. Alai gabe mekkel si Lasma dung marhusip nasida. Aha ma ulaning husip-husip ni nasida. Nga naeng hudanggur si Urdot dohot batu nabalga hian on, naso tarangkat au do. Tep, huida ma si Lasma mandapothon au jala hundulma di lambungku. Alani penasaran au manang aha nadihusippon i, husukkun ma si Lasma.

"Didok ibana parcemburu ho, Bang!" ninna si Lasma. Mallasak ma huhilala. Pasti dang diboto hamu manang alani aha, kan? Ala na dijou na i do au abangna. Alai dang pola hupatudu lasni rohakki. Biasama akka pemain lama. Wakakak
"Nagodang nabinoto ni si Urdot i," nikku huhut manailihon si Urdot namekkel suping.
"Alai, olo do toho i. Memang nasogoan rohakku molo dijonoki doli-doli naasing ho, Las. Nangpe nambura dope hita marsitandaan" nikku mandok sian ias ni rohakku.
"Jadi na toho do dang ditanda ho au? Tikki SMP kalas sada au, kalas tolu ma Abang,"
Mangupir au patudu natoho do dang hutanda hian ibana.
"Kan hallet ni si Mawan hian do, Abang tikki SMP?"
Margak-argak ma au ala didokkon au hallet ni si kariting mosok i. Wakakakaka... Molo dang ala naung ro mobil jemputan nasida, olo nama au mekkel tolu ari tolu borngin ala didok hami namarhallet. O, tahe... si kariting mosok.
"Ido hubege hami kabar sian kakak kelas nami, Bang!" ninna musema.
"Ingot ma hape ho di 5 taon naung salpu ate?" nikku huhut marningot si Mawan donganhu na luar biasa huhasiholi i. Toppu masihol hian au tu ibana. Nungnga hampir onom taon au ditinggalhon donganki. Didia do ho Mawan, sai ima di bagas rohakku. Tikki dakdanak hami, ala ni takkanghu, sai jotjot do au hona balbalan. Dilissingi oppunghu hian do tanggurungku dohot sapu maradu marbogas manang sappe marmudar. Ditijuri si Mawan on hian ma tanganna jala diapushon ma tijur i tu tanggurungku. Huingot dope i, Mawan nalagu. Huingot do i sude. Dohot nalao hita tu Kabanjahe mangalului omakku.

"Masihol hian au, Mawan!" nikku. Naso panagamanku tarjouhon au goarna tarbege ni si Lasma. Dibereng ibana huapus ilukku. Dihukkupi ibana ma bohikku asa unang diida natorop i na ro ilukku. Alai sai munjal-unjal ma abarakku ala hasosonggoton au. Disarat ibana ma tanganhu tu samping lapo ni si Reken. Sai maraburan dope ilukku.

"Masihol hian au tu si Mawan lobi sian siholhu tu inong namanubuhon au!" nikku hira namangalu-alu tu si Lasma. Dilap si Lasma ilukku.

"Annon bodari ma patorang tu au, Bang. Ikkon ro abang, molo dang ro abang tung so boi au tarpodom bahenonmu. Ro ma Abang da?"

Nakkok ma ibana tu mobil namanomu nasida. Hudada nasida. Huingot muse ma tikki parborhat ni si Mawan sian huta nami on. Marikkati au mangalumba asa dohot ma nian au diboan nasida. Haccit hian hutaon di huta on, Mawan...! (Bersambung)

MARTANDANG-4 (Nande Kapah)

Nande Kapah (Martandang 4/10)

Pertandingan bola volley nga dimulai antara parhuta nami tu parhuta Laumil. Seru hian do pertandingan i. Si Saridin, donganhu tikki sikkola SMP hianma playmaker ni par Laumil. Mansai maol do dipatalu parhuta nami nasida. Babak parjolo 21-20, paduahon 20-21 dohot napatoluhon 21-19. Monang tipis ma parhutanami. Ima pertandingan naparjolo sahali. Partandingan paduahalihon, monang do parhuta Laumil mangalao par Lau Pakpak. Menang mudah. Hebat do memang permainan ni nasida.

Onma pertandingan terakhir. Parhuta nami mangalo parhuta Lau Pakpak, huta ni si Lasma. Jut hian rohakku ala meret si Lasma sian lambungku. Gabe lao ibana tu akka donganna sabola pemain ni parhutana. Marsurak-surak nasida manambai semangat ni parhutana i. Au sai sip do di pudi ni parhuta nami. Sai ibana do hupabereng-bereng marsuraki. Bagak hian ibana huida. Dongan sahuta na di lambungku pe didok do songoni. Akka anakboru ni parhuta nami pe mangiburu do tu si Lasma.

Sidung sababak. Talu ma parhuta nami 21-4. Sandok digosa do parhutanami daba. Alani nasai tu si Lasma ma ra mata ni akka pemain ni parhuta nami i. Manang alani na lam semangat i do parhuta nasida dibaen surak-surak ni bidadari i. Manang ala ni aha pe i, sandok maila hian do huhilala hami ala holan dapot poin 4 do hami. Jala ikkon akkuan nami do malo nasida martaktik. Dang sude pemain nasida i nakkin na dohot mangalo par Laumil. Si Jimmy, playmaker nasida i pe, on dope dohot.

Babak paduahon dimulai. Mallasak smash ni si Saut mambaen poin pertama di parhuta nami. Alai, habang ma dao bola volley i. Disuru ma dakdanak mambuat bola naung danggur i. Hape...? Marikkati ma mulak dakdanak i tu lapangan. Langan bohi ni dakdanak i. Sude ma si bereng aha namanginsombut. Marlojong muse ma anak boru parhuta Lau Pakpak i. Gok na malitondi marnida Nande Kapah mangalelei najonok tu ibana jala maniop-niop podang naganjang. Doli-doli namarvolley pe torop do namangirput lao martabuni.

Dang pola nian dilelei Nande Kapah jolma i sappe dapot. Alai marnida podang namarsillak i, sude do humitir. Molo diboto hamuna podang ni Pangeran Pattimura, songonima bentuk ni podang i. Natajoman i, ninna si Saut muse manambai informasi taringot tu Nande Kapah narittik i. Ala ni tajom ni podang i, pola do didok si Saut, so hona dope bona ni pisang i tinaba, nga maruppak ala tajom ni podang i. Ima pandok ni si Saut.

Hundul ma Nande Kapah dao di pudi ni lapangan i. Dihunduli ibana bola i alai sai diondam-ondamhon ma podang i hira nalao manallik ise namanjonoki ibana. Dung sadia leleng, dibaen musema keputusan asa ditorushon pertandingan. Ai dao do inganan ni Nande Kapah i sian lapangan. Paling ma molo dismash olo gabe habang bola i tu ibana. Adong dope bola sada nai. Ima dipakke nasida.

Ala nasai mabiar-biar nasida lao mansmash, gabe hurang ma tabo ni parmainan. Mostop ma dihilala si Saut, dismashma sagogo ni gogona jala disengaja ma tu Nande Kapah. Dibuat narittik i musema bola i. Mabiar situtu jolma na di lapangan i. Hinsat ma sahalak doli-doli parhutanami lao mangelek Nande Kapah asa dilean bola i. Alai mulak ma ibana sian tongan dalan ala dang tuk habaranianna dung hinsat narittik i sian hundulanna mandapothon si doli-doli i. Marlojong ma ibana jala malitondi. Langan ni bohina nga hira hunik.

Manang na sian dia ma habaranianku hinsat sian hundulanku. Marsurak ma akka anakboru parhuta nami asa unang pola hudapothon Nande kapah. Lokma, unang pola buat be bola i, sai ninna nasida. Hutailihon muse ma tu punguan ni halak si Lasma. Unang ito, sai ninna si Tiar hallet ni si Piter, huhut diharat jari ni tanganna. Sai ditunjangi ibana musema tano ingananna jongjong mangido asa unang pola hubuat bola i.

Nga sahat au satonga dalan. Hubegema marsurak si Lasma mangorai au. Oh, yes.., ninna rohakku di bagasan. Alai hutorushon ma manjonoki Nande Kapah. Marlojong ma si Lasma ro sian pudikku lao manarik au mulak. Lima meter nai nama au sian podang ni Nande Kapah. Sai tu podang na i ma matakku. Atik boha mangamuk annon ibana, nga tong huida adong bona ni kopi di lambungku lao manangkis podang i. Hehe ma Nande Kapah. Laos di parhehe ni Nande Kapah i ma madabu Lasma di pudikku. Pingsan ibana. Gabe dang diida ibana be nanilean ni namboru naso waras i bola i tu au. Laos mulak ma ibana. (Bersambung)

MARTANDANG-3 (Sai Tu Ho Rohakku)

Sai Tu Ho Rohakku (Martandang 3/10)

Mangullus alogo nanget. Ombun pe manghukkupi bulan tula. Mellep sinondangna satokkin. Tung pe songoni, anggo bohi ni itoan i takkas hian do huida. Hira namarsinondang bohina. Ganjang ni obukna saabarana. Potpot alis matana. Igungna pe mancung. Osang nang hurumna pe naulian. Bibirna... Ah... dang tarpatudos au be. Songon bintang filim ma ibana huida. Hira si Meriam Bellina. Soarana pe nalambokan di sipareon.

"Inum kopimi, ito, bissan las. Molo ngali, hurang tabo annon," ninna si...?

"Ise do nakkin didok hamu goarmu, ito?"

"Si Lasma, ito!"

"Boru aha tahe didok ito nakkin?" nikku.

Dipaboa ibana ma manang boru aha ibana.

"Berarti marpariban do hita!" nikku hatop.

"Sian dia ma dalanna asa marpariban hita?" ninna huhut mekkel suping. Amangjo uli ni ekkel na i, oppunge?

"Ido, ikkon marpariban do hita!" nikku muse marjugul.

"Boasa? Hahahaha....!" mekkel ibana. Huida muse ma iponna nabontar i sumalin nama bagakna daba. Layak dijadikan model pasta gigi, ima menurut au.

"Molo tu anakboru nabagak songon ho, ikkon marpariban do au," nikku.

Dang maarnabosan ibana pabege-bege au makkatai. Nungnga sajom hami namakkatai i, sai mekkel-ekkel ma torus ibana ala godang ni hatakku. Dang suda dope ekkelna, nga huhatai muse na geok dihilala.

"Nga boi hamu gabe parubat-ubat, bah!"

"Memang parubat-ubat hian do au, Las!" nikku mandok goarna. Hupasomal mandok goarna asa ibana pe songoni tu au. Dung i, hatop ma hami akrab. Pittor olo ma ibana manggotil au molo apala geok hian dihilala ibana ceritakku. Huceritahon muse do porsukni partinaonanku tikki di bus Sampri dohot oppung namatua i. Margak ibana.

"Nga bagas borngin, sogot muse taulahi, da?" ninna huhut mangampehon tanganna tu pathu satokkin.

Ima parjuppangan jala partinandaan nami parjolo sahali. Holan songoni dope. Molo akka donganku na tolu halak nungnga leleng nasida marsitandaan dohot hallet nasida be. Huhut makkatai pe au dohot si Lasma, sanga do tarbereng au si Saut dionjarhon halletna si Paulina. Sai disossotton si Saut attong muccungna tu bohi ni itoan i. Dionjarhon ma tutu. Hubege muse do mallutuk ulu ni si Saut tu tembok i. Marbuttul do ra uluna i. Molo si Piter dohot si Tiar, dang habegean anggo hata nasida. Alai, dung di pardalanan lo mulak, huboto hami ma naung diputushon si Tiar si Piter. Paet ni pogu ndang sadia martimbangkon parniahapan ni si Piter borngin on. Biar do nakkin rohakku marnida hagaleon ni si Piter dipardalanan i. Apalagi pas di jembatan nakkin. Sotung laos ditimbung do annon tu Lae Renun i, sai ninna rohakku.

Suhar sian parniahapan ni si Piter, rohakku nga sai naeng humatop pajuppang dohot si Lasma. Di gareja parmingguan pe nga sai tu ibana be rohakku. Ende huria pe nga asing be di sipareonku. Soara ni si Lasma nama nasai habegean. Hira nasai dijou au huhilala tu lambungna. Nanggo otik dang hubege be jamita. Hubege muse adong namarukkor. Bah, si Saut on? Haru tikki marende dang lomo rohakku mambege soarana, apalagi ma soara ni ukkorna. Targanggu iba menghayal dibaen. Hutatap muse ma humaliang, dang holan ibana naung modom. Hampir sude naposo baoa modom. Nga marradakan be sude dongan hira na hona tembak di parporangan. Dang diparrohahon namarjamita be akka naposo namodom on ala torop ni parminggu di bulan Desember. Parsikkola dohot mahasiswa hira na wajib do patudu dirina tu gareja. Asa didokkon halak nasida jolma naburju. Songoni ma molo manurut pamerenganhu jala memang songoni do dipandok hami molo tikki marpollung hami naposo. Anakboru i pe songoni do i, ninna akka dongan. Nasekalian memajang diri do i, ninna muse. Isss.. holan dihatai anakboru, pittor tu si Lasma rohakku.

Di pardalanan mulak sian gareja hubege ma adong annon pertandingan volley di huta nami on. Doli-doli ni parhuta nami mangalo doli-doli parhuta na asing. Nangpe dang berbakat au marvolley, alai lomo do rohakku manonton namarvolley. Somalna, sai torop do anakboru namanonton apalagi di tikki libur sikkola songon on. Masiboan pendukungna be do ganup huta na ro. Sadrion adong ninna dua huta na ro. Sian Laumil dohot sian Lau Pakpak.

Hah! Lau Pakpak? Mallobok ma taroktokhu umbege goar ni huta i. Huta ni si cantik manis, didadari dari khayangan. Oh Lasma... Naeng marinjaki au. Nga longang oppungku mamereng au nasai busisaon. Dang tarallang au indahanku. Memang loppan pe nian holan ikkan asin muse do. Kepala batu nabondil-bondil i. Hupanonoti mata ni ikkan asin i makkatai tu au. Ro do si Lasma? Ninna kepala batu i manukkun au daba.

"Oi, Pian...! Ro do par Lau Pakpak. Si Lasma pe huida do nakkin ro!" ninna si Saut manggora au sian pintu ni jabu nami. "Pahatop ma namangan i!" ninna muse. Las hudanggurhon ma kepala batu i. Eh.. holan tinggal uluna nama tahe.

Sabotulna, nga naeng marlojong au tu lapangan volley na di toruan ni huta nami. Naeng hubaen lari saribu lao mandapothon si Lasma. Alai, pura-pura kalam ma au. Anggo rohakku, nga sai naeng marinjaki. Apalagi dung hubereng ibana marbaju na mera. Torop doli-doli di lambungna. Hira na tu ibana ma mata ni akka doli-doli salapangan i.

Sanga do gale panghilalaanku ala so adong responna tikki huhirap ibana. Hudapothon ma tu ingananna hundul. Lam mallobokma taroktokhu dung digeser hundulanna jala disuru ibana asa hundul au di lambungna. Mansai jonok muse. Molo rap iba dohot bintang, gabe dohot do iba songon bintang makkirdopi. Hutangi-tangi do akka natorop i makkatai. Goarhu pe sai dipandok nasida do. Anggo au tahe...(Bersambung)

MARTANDANG-2 (Hinauli Ni Nauli)

Hinauli Ni Nauli (Martandang 2/10)

Nungnga holom ari tikki sahat au di huta. Songon na somal rupani, dung sidung mangan, makkata-hatai ma au dohot natua-tua i taringot tu perkuliahanku dohot akka na asing. Ala tinggal dohot oppungku do au, molo hudokkon pe natua-tua i, berarti oppungku do maksudhu. Nalomoan roha ni oppung dolikku molo nga makkatai hami. Sude do luat ni portibi on dihatai hami. Diboto oppungku do bahasa Belanda, bahasa Inggris dohot bahasa Jepang. Namalo do anggo oppungku nangpe holan tamat HIS ibana jala pejuang kemerdekaan. Ido asa sai lomo rohana makkatai dohot au. Alai molo oppung borukku, sai holan tu anggina mangulaki ido rohana. Sai dipassosotton ma au tu boru ni paramanna, hatiha i. Molo nga mulai ditaringoti soal paribanku, pittor habang ma au sian jabu. Tu lapo tuak ma au marende.

Pandok ni dongan sahuta, tarlumobi pelanggan ni pakter, sai tamba do ribur ni huta nami molo tikki mulak au. Alai ima, resiko na pe adong do. Marmagoan ma manuk ni halak molo nga di huta au. Wakakakak... Alai dang na au manakko i. Anak ni ampunasa manuk i do husuru mambuat sandiri. Sai di lapo i do diseket hami manuk i baen tambul ni tuak. Apalagi borngin on, pas malam minggu. Jolo mordong do hami asa lao tu partandangan. Asa songon na garang, ninna akka dongan. Molo au, torus do garang makkatai tu jolma apalagi ma tu anak boru. Haru begu, molo adong begu nabagak, ikkon hutandangi. Asa hubaen maranak begu i.

Dung suda tuak di pakter i, borhat ma hami tu huta bariba lao martandang. Diboan hami do gitar jala marende ma hami huhut mardalan pat. Tanjakan dengan elevasi 45 derajat do dalan tu huta bariba i. Satonga dalan dope hami, nga hitir-hitir be dugul-dugul alani lojana. Lumayan dope molo adong anak boru nabagak di luat i. On? Pittor bohama bagak ni parhuta-huta oppungeh? Paling akka na giman adong di son, ninna rohakku. Kulitna pe pasti sisik-sisikon manang na daringon. Hosana pe pasti bau hira hosa ni ulok. Alai holan di bagas rohakku do daba.

Hosa-hosa dope au topet sahat hami di huta i. Gottinghu pe hira namaponggol ala ni loja na. Nang pe bulan di langit mansai torang, anggo rohakku nungnga tung mansai golap be. Pittor sai hupikkiri ma muse annon lao mulak tu huta nami. Manolsoli au dohot tu huta on nangpe semangat 45 akka dongan i. Burs......

Eitss... dang hutorushon be hatakku dung huida mamolus tolu halak anakboru. Nangpe samar ala holan bulan namanondangi, anggo bau ni anakboru i nga taranggo au be. Dipakkulingi donganku naung mananda nasida ma anakboru i. Naramahan daba. Isss...

Ditogihon anakboru i ma hami tu sada jabu di huta i. Adong namelek-melekan ala baru sorang dakdanak di nasida. Torop jolma namaranggap di si. Adong muse namarjokker karo. Pakke lampu gas do di jabu na melek-melekan i. Dang adong dope listrik uju i. Dangol hian kan?

Ala adong lampu gas di alaman ni namelek-melekan i, takkas ma huida anakboru natolu nakkin. Hundul nasida di alaman dohot donganhu. Lumayan, manis do hape nasida. Alai, nga bagian ni dongan be i, lokma holan nasida marhallet, ninna rohakku. Hupapodom ma di emper on. Asa adong gogo muse mardalan lao mulak tu huta. Loja hian daginghu nasai dipangunsande oppung nakkin di bus Sampri. Hira na huabing nama nakkin. Tamba muse do tabona modom molo dung minum tuak. Rengezzzzzzzzzzzzzzzzz

Angon-angon, hubege ma suru-suruan marende di lambungku. "Berarti, nga di surgo hape au?" ninna rohakku. Alai boasa ende ni Ratih Purwasih ende di surgo? Inginnya Begini Jadinya Begitu, ima judul ni ende na. Merdu hian suarana. Alai boasa adong muse soara ni baoa donganna duet? Adong do tahe suru-suruan baoa? Hira soara ni donganhu si Saut? Ah, hupatakkas majo. Ido soara ni si Saut do.

"Sip ma ho di si, Saut!" nikku manonggak si Saut. Dungo ma au alani soara ni si Saut na hira soara ni bagudung na tarhapit i. Hudanggur muse ibana dohot solop. Dang hona patna, tanggurungna do hona.

"Ageh?" sappat mudarhu. Tarsonggot hian au mangida anakboru dongan ni si Saut na marende i. "Sadihari madabu bidadari tu huta on?"

Humalaput ma au hehe sian podomanku. Hudadapi sakku ni salawarhu naeng mangalului suri nangpe so hea hian au manuri gonjeshu. Huatur ma gayakku sambil hupikkiri ma manang aha nalao sidohononku mamukka partinandaan tu bidadari i. Hudapothon tu lambungna.

"Nga dungo, ito?" ninna manurdukhon tanganna. Marsijalangan hami jala hudokma margakku.

"Simanjuntak. Alfian Damara Simanjuntak!" nikku. Gugup hian au mandok marga dohot goarhu lengkap hian. Tarhatotong ma au mamereng uli ni itoan i daba. Sai hupanotnoti ma pamanganna tikki paboahon goar dohot boru aha ibana. Eh...eh.... Maradu sohuboto manang boru aha nakkin didok ibana. Asal ma boru-boru, ninna rohakku muse. Wakakakkaka

"Pette satokkin, dah. Asa hubuat kopimu!" ninna. Mate ma au... Nga uli rupana, uli muse dohot pambaenanna. Manolsoli ma au naung jumolo manuhati andorang so patar. (Bersambung)

MARTANDANG-1 (Upa Ni Pambahenan)

Upa Ni Pambaenan? (Martandang 1/10)

Di bus Sampri do hutanda boru Pardede nauli on. Sabangku hami di bus tikki i mulak sian Medan tu Sidikalang topet libur kuliah. Dang na kebetulan hami sabangku. Naung jolo hulean do sigaret ni petugas loket Sampri i asa dibaen au di lambung ni itoan i. Goarna pe usaha ate?

Tolu halak hami sabangku hatiha i. Au, ibana dohot sahalak oppung-oppung naung matua. Namatua i ma disuru boru Pardede i di tonga-tonga daba. Jut hian rohakku. Attar ramah hian ma pambahenanku tu namatua i ala hurippu apala oppungna. Mambuat roha, ninna rohakku. Alai dung huboto naso oppungna namatua i, sai huhapithon ma oppung i daba. Asa mangido pinda hundulan ibana tu pinggir ninna rohakku. Sibolis namartanduk i ma ra nasai manjujui au ate? Wakakakakak

Nungnga satonga jam pardalanan ni bus, satonga jam muse ma hami makkata-hatai dohot boru Pardede i. Berarti, satonga jam musema nasai huhapithon inanta namatua i. Sipata hubege do hosa ni inanta i mallingik-lingik tikki huhapithon. Ngiiikkk... ngikkkkk.. ninna. Jut rohakku ala so berhasil carakku papinda inanta namatua i tu pinggir. Alai lobi jut hian dope huhilala ala toppu muta-uta inata i. Use ma sude uta-utana tu abinganku. Hira na disengaja daba. Bau tolor muse. Puehhh.... Tung apala hatopma dapot au upa ni dosakku ate?

Dang holan i dope. Gabe laos pinda muse do boru Pardede i dao tu pudi daba. Hami nadua ma tinggal di bangku i. Huida muse ma tu pudi, alamak... doli-doli  muse donganna sabangku. Gurgur ma huhilala mamereng namatua on. Jujur daba, santabi saribu hali santabi, naeng hupokkik tikki i. Alai toppu musema ibana pingsan jala sande tu andorakku. Pasma hira na ibana hallethu daba. Hira film India ma tutu. Hugeser pe inanta namatua i, dang bergerak be. Panik ma hami sabus jala maradian ma ala ni namatua on. Atikna disengaja do i asa hubaen pernapasan buatan tu ibana? Olo ma annon pinda mera ni napuranna i tu bibirhu? Ah.. daong ah... Di ibana ma songgotna molo pola do au disuru mambaen napas buatan.

Dung dibaen supir i miak angin tu parnianggoan ni namatua i, sadar ma ibana alai lemas pamatangna. Sai mangunsande ma inanta namatua i tu au. Sahat tu Sidikalang ma inanta namatua i huabing jala hudappol-dappol. Dung sahat di Sidikalang, maridi ma au di sada rumah makan. Segar ma huhilala. Apalagi ma huingot hata ni boru Pardede andorang so marsirang pardalanan hami. "Toho da, ikkon ro do ito tu jabu nami!" ninna hira namangelek. Huhhuy....... (Bersambung)

Pasoma Ungut-Ungutmi (DnB-7)

Tiur ma ari nangpe so haidaan dope ullop ni mataniari. Hutatapma humaliang, akka hau nabolon do hape namanghaliangi inganan nami marborngin. Marikkat ma au tu topi ni lombang i, di toru adui ma nalao inganan nami marburu aili annon. Mangorong ma au sagogoni gogokku. Sai tumibu ma nian akka Bos dungo asa tumibu muse hami borhat marburu. Hutailihon musema tu pudikku, huida marlojong si Yeni kaluar sian tenda ni Bos. Huh, sai songon naso adong pasangan niba rupani? Hei Mopianna, tuson ho, hasian. Berengma ulini rura nalao ingananta marburu on. Ro ma ho tu lambungkon, ida musema pussu ni hau bolon indu, marhillong songon mas ala naung bissar mataniari.

Oh, berangkat nama haroa. Nga ribut be Kolonel mambaen aba-aba. Si Jimbo pe nga sai marinjaki ala las ni rohana.

"Hamuna tu dolok an, Fian rap si Nambel. Mardalan sian pinggir ni batangi on ma hamu. Boanma si Pleki dohot si Mopianna." Ninna Pak Rustam. Diboan ma si Jimbo dompak toruan. Hami pe didalani hami ma harangan naso hea dope nibolus jala on dope binoto rumangna. Tuani do rap dohot hami Mas Rojo. Songon na pos do rohakku otik. Molo mangandalhon si Nambel, sangsi do au. Molo Bos? Onpe Bos on hurangdo huhaporseai tu hal-hal sisongon on. Dia be tu namarburu on rohani Bos? Nga sai tu panghaolni si Yeni nabodari ra rohana. Dirippu Bos dang huboto hasomalanna. Ikkon maniop obuk do asa boi Bos tarpodom. Huboto do namaolan ibana modom molo so disi Inang manang boruna si Debby. Sipata songon dakdanak do huida Bos on. Alai, pos do rohakku ala garang do Bos on, dang diboto biar. Dirap-rap do sude. Disurukkon do tanganna mandodo lubang-lubang na adong di tombak (harangan). Sandok nalomoan rohani Bos molo adong lubang. Wakakakkakakak... segala lubang do naeng didadapi Bos on. Wakakkaakkak.. nga diantusi hamu na bei nangpe so hudok. Aupe dohot si Mopianna sai mangorongi do molo juppang lubang-lubang.

"Buat...!" teriak si Nambel mandok tu au ala kaluar padidit sian lubang ni hau nahubolus hami. Hulele ma attong  jala sai mangorong ma au. Si Mopianna pe sai mangorong marinjaki. Naeng hujakkit hau inganan ni padidit i martabuni.

Marikkati musema si Nambel mamboan pasak-pasak mangattuk bona ni hau nabalga i, asa turun manang mangakkat padidit i. Tohoma tutu mangakkat padidit i tu hau bariba. Sakkan nai molo ditembak Bos, sai ninna rohakku. Huida ma Bos sai mekkel manogu si Yeni nagittal i. Mostop huhilala. Ia ditembakkon ma nian, ala anggo hatana, penembak terbaik Perbakin DKI 2008, nilai sempurna, ninna. Jappurut...!

"Tuaham do padidit, Nambel?" ninna Bos tu si Nambel mekkel songon namangalesengi daba.

"Nalao marburu aili do hita tu son, dang nalao marburu padidit." Ninna muse. Sogo hian rohakku umbege hatani Bos i.

Didalani hami ma sidalanon nami mamolus tombak longo-longo. Marragam rupa ni hauna. Huida si Mopianna marlojong di jolo nami. Gabe huingotma hata ni Bos tu akka donganna: Muba do loja niba mardalan dohot dongan nasai marsak jala holsoan, alai dang hinilala loja mardalan molo akka sipalas roha dongan niba mandalani sidalanon. Tuani ma huingot hatani Bos i. I Love You, Bos! Marinjaki ma au mangeaki si Mopianna tu jolo. Las situtu rohakku. Mangorongi ma au dohot si Mopianna. Songon naso adong be nahurang huhilala hami marikkati dao tu jolo. Toppuma margurasak di ramba-ramba. Tarsonggot hian si Mopianna. Aupe nian tarsonggot do alai dang pola hupatudu di jolona. Mangorongi ma hami sagogo ni gogo nami. Aili...! Dua....! Mallobok-lobok taroktokku daba. On dope hea huida. Mirip do tutu tu bedua. Patutdo didokkon saudara sepupu ni bedua aili on.

Bondil ma matakku mamereng aili na nidok ni Bos, sepupuni bedua i. Lam gogoma pangorong nami asa haru dibege Bos dohot akka naasing. Marikkatima aili nadua i tu dolok. Hulele hami nadua muse. Dang huhilala be lojana. Dasar nahurang berpengalaman mannakkoki dolok-dolok, sai russur ma pathu di baen akka bulung-bulung naung mahiang. Dang si Pleki goarhu molo soboi dapot au ho, ninna rohakku. Huadu ma torus sagogoni gogokku. Dang holan au hape nasai russur, aili ipe russur do.

Crapppphhh. Huharatma patni aili jantan. Di uge muse ma au jala naeng diharat, alai mangakkat ma au tu pudi. Dang hupalua pakkarathu, lam gogodo huharat. Si Mopianna sai mangorongi aili na asing. Hutailihon ma tu si Mopianna atik boha dibereng ibana aksikku nakkin. Aut sugari adong video, porlu do direkam on songon jurus mesin jahit i. Sipanggaron do memang au, bah. Bah, boasa laos so diharat si Mopianna aili indung na i? Boasa dang mangorong be ibana? Ro musema si Mopianna manjonoki au.

"Paluama si Lison i, Pleki hasian. Asi roha," ninna si Mopianna songon na mangelek.

"Palua?"

"Olo, Pleki hasian. Dang dibereng ho namardenggan daging do si Liana i?" Ninna si Mopianna mandok goarni aili boru i.

"Namandok sipiga do ho, Mopianna?" Nikku longang umbege hata ni si Mopianna. Dungi dipatorang si Mopianna ma tu au, pangelek ni si Liana(Aili boru-boru), halletni si Lison (aili baoa). Dang tarjalo au dope pandokni si Mopianna. Dung leleng marpikkir, hupaluama pakkarathu sian patni si Lison. Haru pisang namarsomba, tokka do tabaon. Marikkatima si Liana dohot si Lison maninggalhon hami nadua. Huida hami ma, hape nga jong-jong di pudi nami Bos, si Yeni, Mas Rojo dohot si Nambel.

"Cemen do si Pleki on. Holan mang'ho -oh' patung rusa do pamotoan ni on. Ba hea do paluaon buruan? Allang ma gamboi, Pleki" Sai ninna si Nambel ma marungut-ungut saganjang ni pardalanan sahat tu tenda. Nakkin di pardalanan, sipata naeng hutombomhon do asa magulang tu lombangi si Nambel on. Alai dang porlu baloson akka pandokni akka halak naso mangantusi, loja iba. Buktina, so na ditembak Bos nakkin, nangpe nga diida. Berarti natohodo keputusanki didok roha ni Bos. Ia tung tatadingkon ma akka hasomalan nasai marungut-ungut i, hamuna. Pasoma ungut-ungutmi. Marlasni roha ma hita.

Huida tu si Mopianna, las hian rohana ala huoloi paluahon aili i. Sai dipangeol-eolhon musema ihurna na uli i. Huharat ma rukkungna nanget. Pinggolna muse. Sai ro muse ibana tu jolokku asa huluppat. Aha dope tutu? Terjadi ma naterjadi. Molo Bos mandok, tokka molo di harangan, molo au dang adong pantangan. Didia pe ikkon husorohon. Hupakaluarma jurus andalanku: Jurus mesin jahit. Cokocok ...cokocokockocokcokococok (tanpa spasi alani hojotna). Longang muse si Mopianna ala dang hea dope songon on hojotna hubaen. Pudihon ma au saonari, Pleki hasian, ninna muse mambaen gurgur huhilala. Hupudihon ma attong. Mantap nai namangolu on. Hubereng humaliang, songon mas akka pussu ni hau bolon i. Berengma, Mopianna hasian, luhut akka hinaulion on ikkon huingot ro di ujung ni ngolukku haduan. Diummai ho ma au, Mopianna. Bah...lokkot dope hape? Tokkin nai pe asa palua, hasian, nimmu mangelek au, Mopianna. Wakakakakakkakakakakakaak......... Tamat.

Taman Anggrek Mall, 26 Juni 2011

Hutan Lampung Diguncang Asmara (DnB-6)

Hariara madungdung, pilo-pilo na maragar,
Sai tading ma na lungun, ro ma na jagar.

Mansai uli do huhilala nipikku dung marsahit au piga ari naung salpu. Ima tikki na hu'ho oh' patung rusa i. Tung songon galumbang na margulung-gulung nama huhilala akka nasib nauli ro tu adopanku. Sada, Inang pe nga olo mangalean au mangan. Dua, dang hea be au disonggak apalagi diattuk. Tolu, nga olo be Inang mangapus-apus rukkungku. Sipata naeng huluppat do tanggurung nai sipata ala lasni rohakku. Alai tahe, nga bagian ni Bos anggo tanggurung ni Inang, ninna rohakku muse, gabe huorom ma. Hea musedo naeng hu 'ho oh' pat ni Inang i daba, tuani do pittor jalo au sadar. Unang rusak susu sebelanga karena setitik noda. Ido, kan? Paopathon, diboan Amang Situmorang ma si Mopianna asa rap tinggal di jabu ni Bos hami nadua. Songon pengantin baru ma hami tutu dohot si Mopianna, si cantik manisku nalambok malilung on. Huhuii.... anggo aupedaaahhhhh. Dang sadia dope i tahe. Berbulan madu muse dope hami tu Hutan Lampung. Memang molo nga nasib nauli, tahe...... Luar biasa ma huhilala nasibhu tinggal rap dohot Bos anggota ni Perbakin DKI on. Sempurna!

Pitu halak ma na dohot marburu. Pak Rustam, Pak Siddiq dohot Bos, tolu halak ma anggota Perbakin. Opat halakma naso Perbakin. Si Nambel, sahabat karib ni Bos, Si Haning istrini Kolonel Rustam, Mas Rojo sebagai pelengkap penderita manang silanja barang. Sahalak nai? Ise be molo so dokter na baru lulus i, si Yeni. Porlu do tutu adong tenaga medis molo tikki marburu. Las do rohakku mamereng nasida napitu makkatai mengelilingi api unggun borngin on. Najumotjot makkatai, Pak Rustam do. Patorang-torang rencana manang strategi berburu sogot manogot. Molo tikki Bos makkatai sai sude do nasida mekkel. Didorguk musema attong Black Label hasolomanna i, dangbe... datar nama dihilala sude. Hooooorrrrnop!!!

Gubrakkkk! Madabu ma Bos tikki nalao masuk tu tenda. Pas ma songon pardabu ni pinasa daba soarana. Hape ditogu si Nambel do nian ibana. Si Nambel onpe naung mordong muse do haroa. Molo pandokna, sai dirippu dope hornop hape adong hau na barat di si, ido mambaen matukkap. Ageamang jo, nataralit do haroa tangannai daba. Dang boi be diangkat Bos tanganna. Hohar ma borngin i. Muruk muse dope Pak Rustam alani naminum i Bos. Matteh... ninna rohakku attong. Nadirippu Bos on do haroa cafe harangan on? Ini hutan belantara, Bung! Sai didappol-dappol si Nambel ma tangan hambirang ni Bos. Nangpe nga sai marungut-ungut Pak Rustam, sai didaisi musedo dohot miak tangan ni Bos. Sipata hassitan do Bos tikki na didaishon miak i. Nadisengaja kolonel i do ra i ala diboto Bos attar manja. Lasso massadi do Bos manalahon hau nabarat i. Boasa pola ikkon dihaithon hau i pathu, sai ninna do daba. Dang olo talu Bos on. Patutma sai digosa Inang hape amatta on, ninna rohakku muse. Ala huingot Inang naburju i gabe huingot ma muse si Mopianna.

Huberengma tu si Mopianna di jolo tenda ni Ibu Haning dohot dokter Yeni, bah... nga rap marmeam-meam ibana dohot si Jimbo ni Kolonel. Nga sala be on, namandok sipiga do ho Mopianna hasian? Mansai jibbur nama huhilala pamatangku alani mohop ni ate-atekku. Gor-gor situtuma rohakku. Ikkon husoro, ninna rohakku attong. Pittor hutombomma si Jimbo, sappat dao. Huharat pinggolna sagogo ni gogokku. Ibana pe marngingi do hape, diharat muse pinggolhu gogo. Huharat muse patna, dibalas muse. Husonggak muse. Unang maccam-maccam ho, Jimbo, molo jantan do ho toe hita marbada. Simate-mate... asa bulus, nikku muse. "Ai ise haroa mandok au jantan, he? Ai nga dikasing manang dikebiri be au, bohama dohonokku na jantan au? Dang lengkap be perkakas i. Ibarat pistol tanpa peluru nama au." Ninna si Jimbo ma daba. Hubereng ma tutu tu ingananni peluru ni si Jimbo, toho ma tutu dang di inganna be. Asi hian rohakku daba. Manolsoli hian ma huhilala namakkarat pinggol dohot patnai. Amangtahe, ikkon marnamanat do hape iba asa unang sumolsol dipudi.

Hupapeak ma di lambung ni si Mopianna. Si Jimbo pe manukkap ma di jonok nami di joloni tenda ni dokter i. Api unggun pe nungnga mulai mellep-ellep. Sipata habangma garanai sada-sada tu ginjang. Di jonok ni api unggun i do dipapeak Mas Rojo, modom sargang do huida. Soara ni pidong situhuk pe dang habegean be. Lungun nai di haranagn on. Marngongosma alogo mangullus. Alai sai hubege dope Bos morong-orong mangorongkon tanganna natarlit i. Biasana molo naung tenggen, so dihilala be nian nahassit. Asing sahalion daba. Attar dipagogo muse do orong-orong nai.

"Yen, lebih baik kamu kasih dia minum obat penenang. Kalau perlu suntik saja, " ninna ibu Haning tu si Yeni.

"Iya, Bu. Sebentar aku kesana!" Ninna si Yeni. Toppu ma si Yeni kaluar sian tenda. Malitondi au, hurippu suru-suruan daba. Marpiama nabontar jala martahuluk nabottar muse. Ihhhhhh...Paula so huberengma si Yeni masuk tu tenda ni Bos. Dang sadia leleng dung masuk si Yeni, kaluar musema si Nambel sian tenda, dipajonok tu lambungni api unggun. Dipapodom ma di lambung ni Mas Rojo. Dang habegean be tutu Bos namorong-orong. Ekkel ni si Yeni dohot Bos nama nahabegean. Cekakak cekikik.

"Jangan, Yen, please! Ini hutan,Yen!" ninna Bos alai sambil mekkel. Lam takkas musema hubege ekkel ni si Yeni. Hubereng musema sappat sian pintu ni tenda celana training ni Bos. Hmmm.. main kasar si Yeni, ninna rohakku. Autsura boi hupaboa tu Inang, nga ikkon hupaboa kejadian on asa bulus dijanggola dokter on. Dang sadia leleng hubereng musema didanggurhon sian bagas tenda sesuatu. Bah? Nga dohot cd ni Bos dibukka. O..oo... naso dibereng dokter i do haroa adong stempel ni Inang di perkakas i, ate? Ninna rohakku muse. Manang naso diboto si Yeni do nidokni Bos: Unangma ulahon siulaon molo ikkon solsolanmu di ari sogot.

"Jangan di sini, Yen. Hutan ini ada penunggunya, lho!" ninna Bos ma hubege. So ma ekkelni si Yeni.

"Janji,ya?" ninna si Yeni mengancam Bos. Hisap nai haroa si Yeni on. Naeng huharat ala sogo ni rohakku daba. Alai daripada makkarat dokter naung mangubati au, tumagon ma si Mopianna huharat. Hudapothon ma si Mopianna di lambung ni si Jimbo. Dingin sambutanni si Mopianna. Memang songoni do hape akka biang, moru do hasrat naeng marsipudi-pudian molo adong hasrat nanaeng marburu. Hutailihon musema si Yeni mambuat training dohot cd ni Bos  na. Torang ma ho ari asa tumibu hami borhat marburu. Pengalaman pertama marburu di au. Nga sai huharati be urat ni hau inganan nami marpungu. Nga gatal ngingikku. Gatal hian lobi sian gatal ni gatal.

Pojok sebuah cafe, 17 Juni 2011

DIARY NI BIANG-5; Si Gara Ni Api Sada Do

Hubereng, tu ginjang tung tiur, sinondang ni bulan pe torang. Bintang pe mansai rarat di langit. Makkidopi songon namarende, dang hurang manang aha. Molo tikki makkidop ibana gabe sai huingot pakkidop ni matami hasianku, Mopianna. Hubege musema Bos marende jala margitar akustik mangajari anakna si Yuda markeyboard. Hampa, Ari Laso..... sandok disudahon nama huhilala molo nga marende Bos. Diulakkon muse ala dipangido si Yuda. Maradu huapil nama chorus nai:

Entah dimana dirimu berada...... 
Hampa terasa hidupku tanpa dirimu...... 
Apakah di sana kau rindukan aku....... 
Seperti diriku yang selalu merindukanmu..... 
Selalu merindukanmu ....uuuuu....

Oh yamang, songonna disaok nama huhilala. Asalma unang gabe songon Bos annon si Yuda on, ninna rohakku daba. Alana, alani parendeon na i ma asa sai asing bau ni parfumna molo dung mulak sian cafe. Borhat sian jabu, parfum Bvlgari Extreem aroma wood. Dung mulak sian cafe, gabe Yves aroma Jasmine. Parfum ni anak boru nasai lokkot i ma ra pinda tu Bos i. Alani do ra asa sai di luar Bos modom, unang habotoan bau ni parfum i. Dirippu Bos dang huboto akkal-akkalna? Soal penciuman, au dope. Pleki..... getu loh......

Ulinai tahe borngin on. Aut boi ma nian au rap dohot ho saonari, Mopianna. Rap mamereng hita torang ni bulan on. Rap mangetong hita bintang na di langit an. Rap mambaen pangidoan hita molo adong komet. Singgalak ma hita nadua di taman nauli on. Alogo pe mangullus mansai lambok. Sian Timur tu Barat pangullusna, tu jabu ni Situmorang ingananmu. Mangorong ma au nanget manjou goarmu. Dang dialusi ho songon nasomal. Busisaon ma au. Mardalani ma au di pekarangan nami dang marhasoan. Hutatap ma dompak toruan, tu jabu muna. Dang adong tarbereng au asingni siluet namargambar horbo. Molo tikki arian berubahma siluet i gabe bona ni rambutan. Di jolo jabu muna do bona ni rambutan i. Oh Mopianna, ia tung ho ma ro tu son? Asa haru hupatolhas tu jolom nasa lungun naung suksuk songon dolok.

Mulak-ulak ma au mardalani songon namordong-ordong mangalului alamat. Marikkat tu san, marikkat tu son. Songon-songoni ma au di pekarangan on dang marhasoan. Sipata songon na menghibur diri, hukoccingi ma pot bunga ni Inang nian dungi nion muse. Nga sude hukoccingi pot bunga ni Inang on, alai tong dope dang marhasoan au. Sai holan tu ho do pikkiranku. Songon na hona dorma nama huhilala au. Alani nasai tu ho pikkiranku, maradu so huboto be naung borhat Bos dohot si Nambel tu cafe. Nga loja be au nasai mordong di pekarangan on. Amangjo tahe.... sai hubereng musema bintang na di ginjang an, huingot muse ma tikki main mata ho tu au. Sega nai pikkiranki.... ro ma ho hasian.... ro ma ho tu son..... ro ma ho saonari........

Naso panagamanku, huida maho ro tu pekarangan ni jabu nami. Marikkati ho mandapothon au. Songon nasomal, attar manukkap maho di jolokku. Huharat ma pinggolmu. Huumai muse maho di sude nageokmu. Baenma saonari hasian, nimmu. Mansai manja ma huhilala pandokkonmi. Humalaput ma au mangaluppat tu tanggurungmu. Lomomma hasian, nimmu muse tu au. Hugasak ma attong jurus mesin jahit naung hukuasai. Pudihon ma saonari, nimmu tu au. Lomo hian rohakku tikki didok ho songoni. Hupudihon ma ho. Eitss... malua. Eh.....malua muse padua halihon. Pitu hali ma hupaulak-ulak songoni alai sai tong malua. Dang songon tikki na di jabu muna. Alani naso tartahan au be, dang hupudihon be ho. Baenonmu dope, hasian? Nimmu muse mambaen gurgur muse pangkilalaanku. Oh...Mopianna, dang tolakon akka rejeki nikku. Huluppat muse ma tu tanggurungmu. Songoni ma tong maradu gale situtu ma huhilala. Mardalan pe sai songon naso margogo be au. Matakku pe nga maol be hubukka. Alai hupardukket-dukketi do ro tu jolom. Naeng huhusippon tu ho hinauli ni borngin on.

Hah?

Lobi sian na niattuk ni Inang huhilala songgot ni rohakku marnida ho, Mopianna. Ai boasa gabe martanduk ho saonari? Mardakka muse tandukmu? Sai husukkun ho alai lalap dang dialusi ho. Sai unduk ma ho ala husukkun manang na ise namangula-ulai ho. Naeng hupusa manang na ise namambaen ho songon on. Ro ma ilukku marnida borat ni sitaononmi. Husurdukkon muse ulukku tu rukkungmu. Dang tarangkat au rukkungmu songon nasomal. Dang olo ho mamereng bohikku. Sai tu kolam i ma dibereng ho hasian. Maheu situtu huida bohim. Nasai dibereng homa ra tanduk mi asa sai marsak ho. Oh Mopianna, unang mandele ho hasian alani tandukmi. Tung pe martanduk ho saonari, dang na mangorui holong ni rohakku tu ho. Pos ma roham tu au. Alai husukkun ma ho saonari, alani siholmu do umbaen na didapothon ho au tu son, kan? Alusi au, Mopianna. Alusi ma au, hasianku.

Modom di patmu ma au sahat ro di manogot. Ngilut ma sude pamatangku. Matakku pe nga tung mansai maol be hubukka. Samar-samar, hubegema Mbak Minah mandungoi au. Dang boi be au meret. Dungi hubegema soara ni pat natorop manjonoki au. Hubege musema si Willy sai tumatangis. Songon naso hea, Inang pe sai maniop jala mangapus-apus rukkunghu. Dang sadia leleng, hubege musema Bos manjonoki jala mangabing au tu Mobil naung dipangolu Inang. Di mobil, diabing Bos ma au tu jabuni dokter Yenni. Dang dohot Inang tu jabu. Holan di pekarangan ni dokter i do ibana. Dohot do si Willy masuk sahat tu bagas. Dipapeak ma au di sada meja. Dibukka dokter Yeni ma matakku. Disenter dungi dibereng musema tu dilakku. Dibaenma stetoskop tu butuhakku. Sudedo dipareso dokter cantik i. Huhilala do ditiop dokter Yeni butuha dohot naasing. Hmm.... kayak Bosnya, ninna dokter i alai marhusip nanget hian. Marsiberengan ma ra dokter i dohot Boshu.

"Si Pleki demam tinggi," ninna dokter i mandok sahithu.

"Biasanya karena faktor makanan. Tapi mungkin juga karena stress." Ninna dokter naso dokter hewan i.

"Habis Mama, sih. Sering banget bentak-bentak si Pleki...hiks..hiks!" Tangisma Bos kedua alani holong ni rohana tu au.

"Setelah diberi obat ini juga si Pleki akan sembuh, Willy sayang!" Ninna dokter mangelek si Willy.

Mulak ma hami sian jabu ni dokter i dung mangido bunga Inang tu dokter. Alai andorang so diabing Bos au tu mobil, hubege do pakkataion ni nasida.

"Si Pleki seganas Bosnya sampai-sampai patung rusa di taman juga di 'ho-oh'. Qiqiqiqiqiqiqiqikkkk........" Ninna si dokter marhusip tu pinggol ni Boshu.

DIARY NI BIANG-4; Ulinai Portibion

Empat belas tigapuluh ma jam digital ni si Willy. Ditogihon ma au tu luar. Sahalion rap dohot Bos. Nga huboto boasa pola ikkon dohot Bos, pasti sebagai waliku. Wakakakakaak.... Anggo hita pedaaahh, Mopianna. Jebu nama on. Ikkon marsitumba nama hape hita. Nga sai huapil be jurus ni namarsipudi-pudian i. Pos ma roham, nga huboto be annon. Ai aha muse dope haroa, Bos? Aha natinggal? Pahatop hamuna ma, dang tahan be au. Oh, ido hape nalupa, laptop dohot handycam ni Bos. Berarti direkam do haroa annon peristiwa penting i. Asa di upload tu youtube. Wakakakak.. asa adong berengon ni si Nambel. Wakakaka... Mantap ma annon tabaen gayatta, Mopianna. Asa talu filim 'Oh yes' ni si Nambel na adong di blackberry na i. Anggo hita terkenal ma annon songon si Ariel dan Luna. Pahatop ma, Bos. Sapala husaratton ma sagogo ni gogokku? Muba do gogo niba ala las ni roha nalao pajuppang dohot nahinaholongan.

Dung sahat di jabu muna, ditalima au tu pagar ni jabuni tuanmu Situmorang. Dijou ma ho asa ro tu teras. Marikkati maho mandapothon au. Uupsss....... talimu naganjang i pe sukkot ma di pittu ruangan tamu. Gogoma disaratton ho sappe malua sian pittu namanghapit tali mi. Alai... tung so adong do haroa remmu, Mopianna? Boasa ditombom ho, induk somangmu boru? Nga matukkap be dibaen ho boru Tambunan i. Amang jo tahe... olo ma annon diseket ho gabe dibaen gabe saksang.....Sappat mudarhu dibaen ho, Mopianna. Alai, marnasib do ho hasian, dapotmu songon i induk somangmu. Nangpe nga matukkap dibaen ho istri ni Situmorang, tong do mekkel ibana. Diapus-apus dope ho. Diumma dope. Marnatungil do tahe tano siulaon. Ia istri ni Bos niba holan namenyiksa do diboto. Aut sugari songon i istri ni Boshu, da huuma ganup ari on. Alai dang sai mangapian iba tahe tu akka nasib ni dongan, na di iba onma nihamauliatehon.

Sai diummai ho ma au, Mopianna. Didilati ho musema bagian namassai geok i. Qiqiqiqiqkkkk pargeok do au, Mopianna. XXX Sensor. Pittor naeng ma huluppat muse tu tanggurungmu. Pas naeng mangaluppat ma au huingot naung ditali au tu pagar. Hubaen ma sagogo ni gogokku daba. Maruppak ma tutu pagar ni Situmorang. Wakakakakak... Gogo nai tahe au, hape dang dilean dope au minum jamu. Boha musema molo nga huinum jamu songon na niinum ni Bos i? Dang haru binoto manang naboha be pangottakna. Hubege Boshu dohot bosmu makkatai. Songonna diskusi do huida nasida. Molo au sohutangihon be manang aha do nahinataan nasida. Dang adong be naasing hupikkiri asingni namarsipudi-pudian dohot ho. Dang sadia leleng ditarik ma talimu jala di sarat ma ho tu taman belakang ni Situmorang. Bah? Ai namandok sipiga do Bos ta on? Hubereng ma dihallung ho daba, Mopianna. Lungun hian huhilala. Mangorong ma au sagogo ni gogoku. Sai mangorong ma au songon nahabaluan. Diorong-oronghi ma huendehon refrein ni ende Slank, ...... Dan Tak Bisa Jauh Jauh Darimu Ku Tak Bisa Jauh Jauh Darimu .....

Alai, dang sadia leleng rupani, dipalua muse ma talikku. Hubuat ancang-ancang nalao marikkati tu Taman Belakang. Songon roket ma au meluncur tu dapur. Gubraaaaakkk, hona tabrak musema inatta ni Situmorang. Runggang musema daba nangpe nasa horbo bolonna. Ai boasa tutu sai holan na soppol di dalan inattai? Wakakakakak... Alai mekkel do inattai daba. Paitte jo tahe, nga gabe songon parekkel ni Bos huhilala parekkelhu. Wakakakakakkakkaka.... Hosa-hosa nama au daba......Huuuhhh...huh...

Tarik nafas ma jolo satokkin.

Taman belakang rumah Situmorang seperti kepingan sorga yang sengaja dititipkan untuk menyempurnakan romantisme ini. Eheh.. gabe marbahasa Indonesia au, ate? Alai tung mansai ulima huida pemandangan na adong di taman belakang on. Bunga anggrek ni boru Tambunan pe mansai godang bungana. Marragam bunga na asing pe mansai uli huida. Adong muse do dekke mas koki di kolam na metmet na marairmancur i. Soara ni aek mancur ipe sai songon mozart nama hubege. Rumput gajah mini pe songon permadani nalao pakkeonta. Oh... luhutna i dang sadia dope huhilala. Namambaen au songon namordong, pangeol-eol ni ihurmi do, Mopianna. Huida muse minar bohim mamereng au. Oh...Mopianna, pamerengmi hasianku, songon nadigaruk nama huhilala nagatalhu. Pahatop ma Bos pasang handycam i asa humulai hami. Nga geok be sude pamatanghu.

Jeppek hata dohonon rupani, dipalua ma au. Diloas ma hita mardomu. Nangpe dibereng nasida dang parduli be au dohot ho. Angurma huanggo imbulumi, hudilatima muse ma ho. Geok nimmu tu au jala diharat homa pinggolhu nanget hian. Marsisirma imbulukku daba. Husurukkon musema rukkungku tu rukkungmu. Attar manukkap ma ho huida songon nalao manerkam bagudung. Lomomma, baenma au meam-meammu, Mopianna hasian. Sai dipangeol-eolhon ho musema ihurmu tikki na manukkap i ho. Aut dibaen ho songoni dang apala di jolokku, ra boi do oromonku. Ia on, apala pas ma di jolokku dibaen ho songoni, Mopianna. Buriapus daba... hehema akka nahehe, tol-tolma akka natol-tol. Anggo aupe dang tahan be au. Huluppat ma jalo tu tanggurungmu. So musema attong ho. Diloas homa au kerja keras mangapil jurus-jurus nahea taida. Tohoma tutu naung huapil jurus i. Pasma attong hubaen ahai tu ingananna. Kembali ma muse hubaen songon mesin jahit. Jrep....! Amangoooooooiiii Inooooong.... Mantap nai hape. Pittor jaloma hupudihon ho daba. Eits.... malua. Huulakkon ma muse. Anggo sahalion dang malua be. Pudihon ma au, nimmu songonna mangajari. Hupudihon ma ho.

Lima pulu menit. Ninna Boshu mandok durasi ni film i. Amangjo tahe, ah, hebat nai. Songonima lelengta namarsipudi-pudiani, laos soadong do hatam tu au. Hatakku pe soadong tu ho. Namaila do ho? Nakecewa do ho dipenampilanku? Ahama bahenokku asa las roham? Marmeam-meam muse ma hita? Buatma solop ni boru Tambunan i asa taharati. Manang sipatu ni Situmorang i ma saratton tuson asa huribak-ribaki. Nga leleng au dang mangaribaki sipatu daba. Boasa dang olo ho mangaribaki sipatu dohot solop? Songonima burjuni Situmorang dohot boru Tambunan? (Sementara cerita libur, si Pleki turun mesin)
*****

DIARY NI BIANG-3; Pengalaman

Huhuiiiii...dihusippon ho tu au nanaeng 'yaya..ya'. Amangoi amang jo..... nga diboto ho na di rohakkon. Pittor jaloma attong songon rodeo au mangaluppat tu tunggurungmu. Hiyaaaaa nikku ma attong. Dasar na hurang pengalaman menunggang, maol situtu do huhilala pasumanton songon dongan naung tabereng saleleng on. Maol patoho-tohohon daba, maradu haccit gotting. Eitsss... hona otik. Huhojot ma daba sahojot ni hojotna. Songon mesin jahit nama hubaen. Sappe sande ma ho di bona ni mangga i. Humutur ma bonani mangga i maradu marurus boras ni mangga i. Mardabuan nangpe so tikkina dope daba. Mallutup uluni si Willy hona mangga na madabu. Amangoi amang...! Pittor toppuma si Willy manarik au daba. Hape lagi tanggung dope namardame-dame i. Nas ongon loak ni Inang i do ulaning loak ni si Willy on? Ninna rohakku di bagasan ala sogo ni rohakku.

"Pleki jangan nakal, ayo pulang saja!" ninna si Willy manonggak au. Disarat ma au daba. Dang barani au jugul tu bos kedua on. Songon kaisar do huhilala siappudan ni Bos on.

Tikki na disarat i au, hudok ma hatakku tu ho asa sabar ho. Adong do muse tikkina hita padua-dua songon donganta naung hea marsipudi-pudian, nikku. Hudada maho, alai songonna disetrumma muse huhilala didapothon si Linggom ho. Sogo ni rohakki. Cemburu hian au, Mopianna. Sugari adong ma nian sillam, pittor disittakkon ma nian si Linggom, si hurbe bibir i. Huroroma tutu si Linggom i? Argh....!

Sai dijama-jama si Willy ma uluna na hona mangga nakkin. Disuru musema au masuk tu jabu-jabukku. Dibollang si Willy muse do au. Mabiar hian au daba. Mangottaki do haroa uluna i. Aupe mangottaki do di......ku ala tanggung nakkin dohot si Mopianna. Husensor ma, ate?

"Lho, kok udah pulang, Amang?" ninna Bos mandok si Willy.

"Pleki nakal, Pa. Masa si Mopianna mau ditunggangin?" ninna si Willy.

"Disodok-sodok lagi, Pa. Kasihan si Mopianna sampai nubruk-nubruk pohon mangga. Goyang lagi pohon mangganya, Pa. Buahnya pada jatuh, kepala Willy juga kena, tuh!" Dipatudu si Willy ma uluna na hona mangga i. Mekkel ma huida Bos umbege hata nanidokni si Willy.

"Wakakakakaka.........Pleki bukannya nakal, sayang. Dia mulai dewasa. Itu caranya menunjukkan perasaannya. Pleki baik, kok!" ninna Bos. Ima, kan? Molo Bos memang namaloan daba. Sai huingot do pandokna tu akka dongan-donganna: Tumagon do pature nasala daripada patuduhon ise nasala. Hmm..Luar biasa do memang Bos on tahe. Tuani ma ibana Boshu, bah!

"Rencananya, nanti siang Papa akan bawa si Pleki ke rumah tulang Tumorang, biar dikawinin sama si Mopianna." ninna Bos musema mandok goarmu, hasian. Pittor disudahon nama huhilala molo Bos mandok goarmu dohot goarhu. Apalgi didok nalao kawin. Tralala...trilili..... senangnya hatiku.......naeng huharati ma jabu-jabukku ala lasni rohakku. Huida Inang jonok tu lambungku manggunting tanaman. Hudilatton ma pat ni Inang pittor tarsonggot musema ibana. Diattukma jabu-jabukku dohot gunting natiniopna. Krang...! Malitondi ma huhilala. Songon naso adong be mudarhu molo songgot Inang mangattuk jabu-jabukku.

Sruduk! Dijullukon Inang muse ma daba gagang ni sapu tu au. Dang sombu dope haroa tagasna namanghassiti au. So aha so dia sai tong do sogo rohana mamereng au. Naso sikkola do haroa Inang i asa dang diboto na di rohakkon. Naung paolohu ma Bos saut tu Inang on? Ba nanggo si Yeni dokter cantik i nian dioli? Malo muse dokter i marende. Molo Inang marende? Sipata naeng muta-uta do au molo hubege Inang markaraoke. Songon nahutuon ma huhilala sude dagingku. Gatal....urgh....!Natuani do sedang berbunga-bunga pikkiranku. Toema, pikirkan hal-hal paling menarik disaat murung menghampirimu, ninna Bos tu si Nambel.

Tokkin nai dung sidung Bos makan siang, ro nama hami tu jabu muna. Oh Mopianna..... Nungnga ditostos be siholhu daba. Apalagi alani na tanggung nasogot. Bohama tutu tabo ni namarsipudi-pudian i? O, tahe....(Bersambung)

DIARY NI BIANG-2; Kepastian Ni Hubunganta

Berarti ari Sabtu saonari! (Holan di cerita do ari Sabtu saonari, sotung dirippu hamu na malam minggu annon bodari, da!)
Biasana, molo nga sibuk Bos manogot-nogot songonon, nga pasti be nalaho mangalompa ibana di dapur. Ai ibana do koki molo ari Sabtu. Molo halak Inangi modom dope. Songon naso marbete-bete dope. Marukkor sahat tu jam ualu do i biasana. Biasana do, dah. Ahama lapatanna fitnes tiap Senin - Kamis molo songon i do? Alai tahe tuani ma songoni tiap ari Sabtu, dang hona doltuk iba. Sipata disipakpudihon do au daba. Naeng husarbut do alani mohop ni ate-ate. Sabar..... sabar... ninna rohakku jala huapus andorakku.

"Masak apaan tuh, Pa?" ninna si Willy manukkun Bos sambil pahiangkon obukna dohot anduk.

"Papa lagi masak Ayam Goreng Kalasan Keringan, nih....."

"Willy pasti suka, deh!" ninna Bos muse sambil manggalmit hurum ni siappudanna i.

Sempurna, berarti adong do holi-holi annon. Alai sai naeng humatop ma huhilala asa pukkul opat botari. Tung so tartaon au be borat ni sihol nahupahadang-hadang di abara kesombonganku. Gengsi alai masihol, masihol alai gengsi. Jora ma au. Dang oloanku be patuhuk-tuhuk harga diri naborat on di gara ni sihol namarsigor-gor. Dang be. Paima ma au, Mopianna. Ro nama au annon botari, hupasahat nama sude nasa na di rohakkon.

"Willy, bawa si Pleki ke lapangan dekat taman, gi..!" ninna Bos ma tu si Willy. Holan hubege songon i, pittor naeng marinjaki ma au ala las ni rohakku. Pucuk dicinta ulam pun tiba. Jam ualu dope nga disuru boanonna au tu taman. Tung botul-botul do haroa sibotoroha Bos on. Tengkyu, Bos.

Mansai las do roha ni si Willy manogu au. Marinjaki au, hudilati bohi ni si Willy, bos keduaku. Sai mekkel-ekkel ibana. Anggo au pe dang tarbunihon au be las ni rohakku. Marendei au sagogoni gogokku. Nasib luar biasa sadarion, ninna rohakku. Endekku pe irama mars nama. Huhuiiiii anggo sadarion ikkon wonderfull day do hape. Beta, bos kedua... marlojong hita.

Nalambat ma bos kedua on mardalan. Please, bos kedua, pahatop otik bo! Ah... husarathon ma naing? Molo husarathon, matukkap annon si Willy on tong muse hona sipak au dibaen Inang. Oih....dah... tarhona dope muse jajan tu warung. Ia nakkin tikki di jabu dang minum susu, sonari? Pahatop... pahatop. Naih, ditambai dope situhoronna, patut do habis marlubang ngingimi alani gula-gula i. Dang songon ngingikku huasah torus. Sipata do huasah dohot solop ni Inang, solop ni tamu ni Inang pe attar jotjot do. Hea muse do huasah dohot Gordyn nabaru tinuhor ni Inang, alai mallapak-lapak do au dibahen hatiha i, daba.

Betama!

Attar hira-hira saratus meter nai nama jabu ingananmu na di lambung ni taman i. Marikkat ma au songon namarinjak mandapothon ho. Naeng humatop huhilala dohonokku tu ho aha na solot di rohakku. Jantungku pe songon na gabe jonok tu pinggolhu. Hubege tung takkas hian soarana gedebak gedebuk. Alai tumakkas dope matakku mamereng ho dohot sidoli narara i. Mangunsade ho tu rukkungna. Duar... songon namapultak huhilala jantungku. Golap huhilala. Bondil ni matakku pe maheu gabe sipit. Hutarik dilakku sabagas ni bagasna. Sip au songon gassip niodothon. Humitir pathu alai songon na hona tanom. So ma au songon tungko-tungko ni hau naung tinaba. Huingot ma lyrik lagu ni Bos naniendehonna nabodari :

Boasa Marsandiwara (Mega Sister)

Naso jadi sirang hasian
Naso sinirang ni hamatean i
Ido hatam tu au
Hutiop gomos
Sude janjimi hasian

Dang sadia leleng hasian
Muba roham tu au
Gabe mandao ho
Sian lambungki ito
Hape naung adong
Donganmu ito
Asing sian au

Boasama marsandiwara ho
Boasa ma dang jujur ho tu au
Pulut do roham manggabusi au hasian
Ai hodo namarjanji da ito
Ai hodo namandok holong roham
Sasada ho ai holan ho nimmu tu au
Hodo namarsumpah hodo namangose
Tinggal haccitna ma diau........

Amangjo tahe lungun nai ende on. Patutdo songon naro ilu ni Bos mangendehon. Iada sai hudok na cengeng Bos on. Saonari, hupakkilalahon ma songon nahinilala na i. Amang jo tahe, dangol nai. Hona hian huhilala lagu ni Bos i, nangpe so pasti dope hubunganku dohot si Mopianna. Lam mandele ma au mamikkiri hassit ni 'diduakan'.

"Ayo, Pleki!"

"Ayolah.......!" Mangelek ma si Willy tu au.

Nanget jala manat hulakkahon ma lakkaku jonok mandapothon ho, Mopianna. Ai aha do nabinaenmu tu au sonari? Manang na naung tarlambat do au patolhashon sude na di rohakkon? Sai marmunik-munik ma dibagas rohakku manolsoli bagi disiala gengsikku. Au do nasala, tahe. Nungnga tarlambat hape.

Didapothon homa au huhut marinjaki. Minar bohim, manukkun kabarhu. Tungso diboto ho do naung malala rohakku di bagasan? Songon botik namalamun dipisati sagogo ni gogona sampe birsak huana. Boasa dang diboto ho mandodo na di rohakkon, Mopianna? Boasa songoni minar ni bohim tikki malala rohakku? Nagabe tamba do las ni roham marnida halak namarsitaonon?

"Mopianna, ito....," nikku naeng hubaranihon manukkun ho ise sidoli donganmi.

"Hmmm" nimmu mangalusi. Dibahen ho rukkungmu tu rukkungku. Dungi, diososhon ho muse rukkungmu tu butuhakku. Geok huhilala. Lam so huboto be patorushon hata sidohonokku. Huingot manjami.

"Dokkon ma aha nanaeng sidohononmu, Pleki"

Adong do dua menit au sip alai ho tetap songon na biasa. Molo so hudok saonari nga pasti ikkon sumolsol bagi nama au saleleng ni ngolukku. Molo hudok hatakku saonari boha muse sidoli donganmi?

"Sidoli nian do maksudmu? Oh.....Si Linggom do goarni. Marga Bulldog. Donganku saasrama hinan. Sonari tinggal di jabu ni si Tumorang par blok H5. Dang tabo makkatai dohot ibana. Sai holan namurhing do torus ulaonna. Berengma maradu peut jala habir-habir hurumna alani nasai murhing i. Molo ito Pleki kan periang do songon au?" Mekkel jala main mata ho tu au.

Mulak tondi tu ruma. Sai hurippu do naung adong pakkataion muna nalobi serius. Attong molo songoni do hape, dohonokku ma takkas tu ho saonari.

"Pleki, ito, molo menurut ho, bohado hubunganta on?" Mallasak mudarhu disukkun ho songoni, hasian. Hape naeng au hian do manukkun tu ho.

"Boha haroa, ito Mopianna?" Nikku sai hira naso terjadi manang aha, hape nungnga gurgur di bagasan. Bohama nagurgur. Uh, dasar baoa ma tahe, maol berterus terang.

"Sai sukkun-sukkun do di rohakku bohado hubunganta on," nimmu songan na marporo. Humitir do ho mandok hatami. Borat dihilala ho, Mopianna.

"Molo hudok hita naung jadian, so hea dope hita makkatai serius taringot i. Molo hudok dang adong manang aha hubunganta, ganup Sabtu ho ro jala torus curhat hita nadua. Marlojongi hita nadua di lapangan an. Margedap hita di bona ni rambutan on. Marsiharatan pinggol hita nadua. Marsidilatan. Ah tahe ito Pleki, homa manang naboha do manurut ho hubunganta on. Alai naeng ma nian adong di au kepastian asa lam pos rohakku. Molo so alusanmu pe dang pola boha. Lomom ma" Nimmu ma daba. Hubereng tu ho. Sai hupanot-noti bohim tikki mandok sude hatami. Huida unduk bohim jala ro ilum........... Amang tahe.

"Pos roham, Mopianna, hasian. Cinta hian do au tu ho!" Nikku ma toppu jala husurdukkon ma ulukku tu osang-osangmu asa unang sai holan na unduk ho. Songgot do rohakku marnida habaranianku mandokkon hatakki tu ho. Toho ma hape songon nidok ni laguni Bos: Hatahon ito asa unang tarhirim holong. Sai na adong-adong sajo do tahe Bos on, mekkel nama au. Dung hudok hatakku tu ho, ditogihon ho muse ma au tu bona ni Mangga na marboras i. Marsiharatn muse hita di si. Uli nai tahe, oh... Mopianna hallettu nauli. (Bersambung)

DIARY NI BIANG-1; Masihol Au Mopianna

DIARY NI BIANG 1- Masihol Au Mopianna

Dang huboto manang na tanggal piga au sahat tu jabu on. Na jelas huingot mansai las do roha ni nasida manjalo harorokku. Apalagi anakna siappudani, si Willy. Tung sandok diummai do au tikki i. Si Yuda anak panggoaranna i pe tong do burju. Si Debby boru hasianna i? Asli cuek do songon Inang induk somangki. Alai molo Amang i dang sai mattak dohonon, bah. Luar biasa do burjuna. Aut sura dang alani burjuna jala alani ulini basana dang na sahat au tu jabu on. Ai metmet dope au tikki i. Diboan sian asrama do au. Dang hutanda damang dainang. Sandok marponjot-ponjot hian do hami di asrama. Ragam do anggo pangisina. Adong narara, nabontar, nabirong songon au. Adong siganjang obuk adong muse sihapal bibir, marragam ma tahe. Alai molo sapamotoanku marga Rotwailer do au.

Nangpe adong margaku songon halak batak rupani, dang na gabe marga i dijaouhon tu au. Dibahen nasida do goarhu si Pleki. Diskusi do nasida uju i mamabahen goarhi. Sian si Willy dibahen ma goarhu si Rambo (mansai lomo do rohakku goar on). Sian si Yuda dibahenma si Sheva, songon goar ni parbola. Molo usul sian Inang induk sommangki songon na asing do huhilala. Maralo hian tu rohakku.

"Ai songon na loak jala oto do hubereng biang on. Si Dodong ma baen goarna!" ninna Inang induk somangku.

"Dia do ho, didok ho songon na loak biang on. Cerdas ma, dah!" Ninna Amang na burjui mangalusi jala mangapus-apus ulukku.

"Si Blacky ma tabahen goarna. Boha setuju?" ninna Amangi muse laos diundukkon nasida ma muse mandok setuju.

Mulai sian ima au dijou si Bleki. Alai dang sadia leleng dukkon i, tikki nalaho pasurathon diri di dokter hewan, maruba musema goarhu gabe si Pleki. Manang nabohama haroa pangalusini si Willy tikki disukkun dokter i ise goarhu. Alai dang pola protes nasida be. Apalagi ma au. Apalah arti sebuah nama, ate? Gabe si Pleki ma au dijou ala nga dapot horung-horungku margorga. P.L.E.K.I. Mantap do attong kalung on. Gabe tamba do wibawa niba mamakke. Marhilong-hillong muse. Mantap ma tahe.

Alani horungku namarhillong-hillong i do ra asa gabe lomo roha ni si Mopianna, biang ni dongan ni Amang, tu au. Dang alani bongor ni soarakku. Manang alani ias dohot angur ni imbulukku. Au pe nian nga jatuh hati be tu si Mopianna. Alai loas majo hutahan-tahan. Gengsi pe porlu do jagaon. Molo pejantan tangguh dang ikkon mura jatuh cinta. Sai huingot dope molo nga ditogihon si Willy au tu taman na di komplek on. Attar marikkat mandao ma si Mopianna on. Alah... sai nadibaen do. Jinak-jinak merpati tu au? Ollobolloh.... nga huboto na di rohami, ninna rohakku di bagasan. Husadari botul do bahwa na si Mopianna on pe bagian ni romantika kehidupanku do on. Oh, Mopiannaku.

Sataon opat bulan ma kira-kira hubunganku dohot si Mopianna. Berarti sekitar sada satonga taon ma au martugas di jabuon. Nungnga songon na hafal be au di akka nasomal di jabuon. Nga hutanda be akka tondong manang famili. Sandok nga huboto be dia dongan dia alo. Molo pangido-ido namamboan map ikkon husoro. Molo pemulung namamboan goni na balau i pe ikkon huorsong do. Molo malam minggu ro tonga borngin i, songon na mordong mardalan mambal-ambal jala songon na muap, ikkon hatop do bukkaon pintu. Nga Amang be i mulak sian cafe. Biasana, ikkon begeonku do cerita ni Amang on. Dung jotjot sai hubege akka dongan ni Amang i manjou BOS, aupe huganti ma panjoukku tu Amang. Bos nikku nama. Sambil dipapeak bos i di kursi marcerita ma ibana sian a sampe tu zet akka namasa nabinolusna nakkin. Alai jujur ma hudok: haru jolma dang diboto manang aha napinandokan ni bos i ala nga tuakon, ba lamu au ma? Laos disi do bos i modom sahat tu manogot. Au pe attong hupapodom ma muse. Dang mungkin be barani ro panakko molo nga dibereng baltuk di si jolma. Huparenges attong. Sai songon na ibana nama na manjaga au. Renges ma au jala marnipi. Oh..... Mopianna, hasian, cantik manisku....

"Bah, Inang on. Kasar nai papigi-pigi au dohot sapu i? Lagi tabo nipi niba pittor ditarik do kesetan permadanikki. Kejam nai?" ninna rohakku di bagasan daba, alani pandoltuk ni Inang i.

"Sana sanah... Holan na modom do si loak on." ninna muse, daba. Sipata naeng do huharat patna i. Nasegan do iba tu bos. Istri ni bos ninna roha. Molo dang alani i ...ah...nga huhantam. Alai sipata do burju Inang i. Olo do ibana mangalehon vitamin bedua tu au. Ahama naeng bedua on asa sai holan nanaeng modom iba molo habis mangallang i. Molo besada dang hea dilean tu au. Au pe dang huboto manang alani aha asa dang hea dilehon tu au. Ai aha do haroa besada? Sambil hugeser dao sian Inang, hulului muse ma inganan nalao papeak-peak daging on. Selonjor. Molo tarpodom atik boha muse marnipi tu si Mopianna.

Oh...Mopianna, dibege hodo endekkon? Masihol au tu ho, cantikku. Begema huhusiphon tu alogo sihol ni rohakku. Sai holan goarmu do hujouhon di sude denyut nadiku. Oh... hasianku, leleng dope asa ari Sabtu? Asa pajumpang hita di taman. Boha ia ho hasian, masihol doho tu au? Molo au do, nungnga memuncak be siholhu tu ho. Hatop baen kabarmu da. Molo diboan tuanmu ho mamolus jabu nami... baen kodena da? (Bersambung)

Makkail

Tung mansai sogo do roha molo nga pola tarhunduli iba sisa ni permen karet. Pittor lokkot do ibana di salawar niba jala maol muse do tanggal nangpe nga binaen miak tano. Di lapo ni si Reken, di bangku nai, attar songon najotjot do terjadi songon i. Margait alai keterlaluan.... Sanga do adong namarbada alani sisongon i. Ai ise naso jut rohana tahe apala pas naeng lao martandang nama tu huta naasing hape nga margulu-gulu permen karet salawar niba. So sundat holan tolu do salawar niba lao martandang sude nga hona permen karet on. Kurang ajar.....ikkon huittip jolo manang na ise do namangalokkothon permen karet i, ninna rohakku.

Lam leleng hupaihut-ihut, ternyata pelakuna attar songon torop do. Hampir do sude dongan na ro tu lapo i. Alasan ni nasida pe hampir sarupa. Balas dendam, ala nga sude halaki hona. Sian sude halak i, holan sahalak ma na sai jot-jot mambuat permen karet sian bangku manang kursi. Si Urdot, donganku kompak tikki SD-SMP. Alai dung SMA pulik be do hami. Au di Sumbul Nabalau, ibana di Medan. Sanga do kuliah di Bandung ibana dua taon. Mulak sian Bandung songon na marsahit do ibana. Molo parhuta nami mandok nga hurang roha ibana. Tuani ma burju si Urdot on paiashon permen karet sian kursi i, ninna si Reken, parlapo i.

Molo manurut au pe nian burju do si Urdot on. Alai attar jarang do ibana makkatai. Dang sude jolma pola dialusi ibana. Alai alani longang ni rohakku mida ibana nasai papungu permen karet on, husukkun ma ibana.

"Nalao tu aha do bahenonmu permen karet i, Urdot?"

"Oh... naeng pakkeon do on nalao makkail, bah," ninna ibana naso panagamanku alusanna.

"Bah, pakkeonmu nimmu makkail?" longang situtu rohakku attong. Alai akka dongan i nga sai marhusipi.

Hubotoma napakkail-hail do hape si Urdot on. Jala manurut informasi sian dongan huta, ibana ma na jotjot dapotan. Adong muse do namandok attar palobihon: Si Urdot on do napasudahon dekke ni Lae Renun. Sandok lomom mangido sipiga kilo porlu di ho, botari pasti adong ma i. Songon i ma anggo hata-hata napalobihon nabinege. Memang akka pargait do parhuta nami on.

Au pe nalomoan rohakku makkail. Sogot ari minggu songon najinanjihon ni akka dongan i mulak marminggu, ikkon dohot au makkail dah, ninna rohakku attong. Asa hubaen jolo oppanni hail i pakke permen karet. Sude do dongan i naeng mambaen songon resep ni si Urdot on. Maradu adong do na manuhor permen karet sian lapo i sagodang ni godangna. Dihilhili mai hatop-hatop asa boi pakkeonna sogot. Dipalleani tu dakdanak deba. Nah.. allangi hamu permen karet on. Ampas na baen tu palastik on, unang bondut da? Gabe las rohani akka dakdanaki.

Bah... kosong gareja. Holan hami nadua ma naposo baoa namarminggu. Au dohot si Urdot. Ai na tudia be do akka dongan on? Atik naung lao do nasida tu pakkailan? Bah nga sala be on, nga dijoloi be au. Habis ma annon dekke i dibaen nasida. Sai holan na tu pakkailan on ma rohakku. Nga sai naeng hurang hatop huhilala asa amen-amen.

"Pittor naeng tudia ho, kawan, ai aha na niadum?" ninna si Urdot tu au ala humalaput au naeng mulak dung amen-amen. Longang do au panukkun nai. Molo nasomal dang hea si Urdot on parjolo makkatai. Asing sahali on. Au pe attong hupananget ma mardalan. Rap ma hami mardalan nanget-nanget. Saganjang dao ni pardalanan ma hami makkatai. Lam takkas ma huboto dang nahurang roha hape si Urdot. Daong.

Dung marganti baju jala mangan arian, laho ma hami tu pakkailan, tu Lae Renun. Maradian satokkin di bona ni kopi na di rura i. Hupaima ma ibana di topi ni dalan i. Dang sadia leleng rupani, ro ma ibana mamboan palastik na birong. Diuduti hami ma pardalanan nami. Tohoma tutu... nga songon pasar be anggo torop ni namakkail di sunge i. Bah nga habis be dekke i dibaen halakon. Aha be nalao hailonku?

"Boha, Togu, nga godang dapot?" nikku manukkun dongan na hubolus hami.

"Nanggo sada pe so dapot dope, hape nga mulai sian jam lima hami di son!" ninna si Togu mangalusi sambil pature-ture hailna namarlulut. Mutung bohina.

"Beta tu sadaan ma hita nadua asa songon nalinggom otik," ninna si Urdot songon namarhusip.

"Alai ingot janjitta i, da, molo nga dapot opat mulak ma hita!" ninna ibana muse nanget.

"Olo, bah, pittor mulak pe hita!" nikku mangalusi.

Ditikki na makkail on, sai holan nanaeng mekkel do au mangida sude akka dongan naung jumolo ro tu sunge on. Nanggo sada dang adong dope dapotan. Si Urdot pe songon na mekkel suping. Dibereng ibana tu au.

"Nadirippu halaki do haroa dang diboto dekke i dia panganon dia naso panganon, ate? Haru jolma pe diorai do mambondut permen karet, ate?" ninna muse sambil mekkel. Anggo au nga hassit butuhakku holan na manahan ekkel.

"Dapot....!" ninna.

"Au pe dapot!" nikku muse. Sude do jolma na adong di si sibereng tu hami. Lam semangat ma au na makkail on. Songoni nang akka dongan i. Nga tikkina haroa pangallang na saonari, ninna roha nasida be.

"Dapoooooot!" nikku muse gogo dang sadia leleng. Balga nai ninna rohakku dibagasan.

"Umbalga dope on!" ninna si Urdot.

Naeng do nian hulanggar perjanjian nami nadua. Sai na hurang godang dope huhilala alani taboni namanarik hail i. Dipature hami ma hail nami. Oppan nami pe di bolokkon ma tu aek i. Alai dang pittor mulak hami. Hundul dope hami nadua dung sidung maridi, marisap di ginjang ni batu na bolon i huhut paida-ida akka dongan naso dapotan. Adong ma on naung ngol-ngolan. Adong ma on deba naung ditos-tos murukna gabe diambolokkon hail nai tu sungei. Adong ma i deba namamursikkon dekke i.

"Puehhh bursikma i, tung sada pe so dapot... ia si Urdot dapot," ninna nasida marungut-ungut.

"Mardikkan do haroa begu ni aek on tu si Urdot," ninna na asing. Anggo au dang huboto be mangorom ekkel hu. Sahat tu nakkin, rahasia nami dang boccor dope on. Nanggo otik dang dope. Sadari on ma huboccorhon ala nga melalui persetujuanni si Urdot naung gabe happung di hutanami. Dang toho dibaen ibana permen karet oppan ni hail na. Gea do dibaen ibana oppanna. Alai dung sian i, ias ma lapo ni si Reken, dang hea be adong kejadian nalokkot permen karet di ihur..... eh di salawar ni dongan na ro tu lapo i. Mauliatema Urdot.